Өмнөд Солонгос улсын Засгийн газар долоо хоногт ажлын 4 өдөртэй байх эсэх тухай асуудлыг ажилтан, ажил олгогчтой хамтарсан уулзалтаар хэлэлцэхээр болжээ. Тус шийдвэр нь ажил, амьдралын тэнцвэртэй байдлыг сайжруулах, уян хатан байлгах зорилготой аж. Энэ долоо хоногийн баасан гарагт дээрх асуудлыг хэлэлцэх анхны уулзалтыг зохион байгуулах гэнэ.

Уулзалтад ажилтныг төлөөлж Үйлдвэрчний эвлэлийн холбоо, ажил олгогчийг төлөөлж Аж ахуйн нэгжүүдийн холбоо болон бусад бизнесийн бүлгүүд оролцох аж. 2022 оны судалгаагаар солонгосчууд дунджаар 1901 цаг ажилласан гэж гарчээ. Энэ нь Эдийн засгийн хамтын ажиллагаа, хөгжлийн байгууллагаас тогтоосон цагаас 149 цагаар их хугацаа юм.

Одоогоор тус улсад долоо хоногт ажиллах цагийг 52 цагаар тогтоож, 40 нь үндсэн цаг, үлдсэн 12 нь илүү цаг байх хуулийн зохицуулалт үйлчилж байна. Ерөнхийлөгч Юн Сог Ёль өнгөрсөн оны гуравдугаар сард дээрх зохицуулалтыг гаргасан байдаг. Энэ оны дөрөвдүгээр сард болсон парламентын сонгуульд сөрөг хүчний Ардчилсан нам мөрийн хөтөлбөртөө долоо хоногт ажлын 4.5 өдөр байхаар тусгах тухай амласан юм.

Эх сурвалж: The Korea Times