Монгол Улсын сайд, Хяналт, үнэлгээний Үндэсний хорооны дарга Э.Одбаяр Холбооны Бүгд Найрамдах Герман Улсын Эдийн засгийн хамтын ажиллагаа, хөгжлийн яамны харьяа Хөгжлийн үнэлгээний (DEval) байгууллагын дэд захирал Свен Хартен, Үнэлгээний багийн ахлагч Сара Дезири Клэйр, Үнэлгээчин Сабине Палмрoитер нарыг хүлээн авч уулзлаа.

Монгол Улсын Засгийн газрын 2024-2028 оны үйл ажиллагааны хөтөлбөрт тусгагдсан “Хяналт шалгалтын тогтолцоог сайжруулж, олон улсын үнэлгээний цогц систем /DME-Design, Monitoring and Evaluation/-ийг хөгжүүлж, бодлогын баримт бичгүүдийн хэрэгжилтийн үнэлгээг боловсронгуй болгоно.” зорилтыг хэрэгжүүлэх хүрээнд Засгийн газрын Хяналт хэрэгжүүлэх газраас 2025 оны 1 дүгээр сараас эхлэн ХБНГУ-ын Хөгжлийн үнэлгээний институт, Монголын Үнэлгээний холбоотой хамтран Монгол Улсын үнэлгээний чадамжийн индексийг тогтоож, үнэлгээний үр дүнг өнөөдөр танилцуулна.