Хөдөлмөр халамжийн үйлчилгээний ерөнхий газраас энэ сард олгох тэтгэвэр, тэтгэмжийн хуваарийг танилцуулав. Энэ сард монголчуудын уламжлалт сар шинийн баяр хоёрдугаар сарын 18-нд тохиож байгаа учир хүүхдийн мөнгөн тэтгэмж, асаргааны тэтгэмж зэрэг тэтгэмжүүдийг ирэх долоо хоногоос эхэлж олгож эхлэх ажээ. Тодруулбал, хүүхдийн мөнгөн тэтгэмжийг хоёрдугаар сарын 12-нд, ахмад настан, хөгжлийн бэрхшээлтэй иргэнд олгох мөнгийг хоёрдугаар сарын 11-нд, эхийн алдар одонгийн мөнгийг мөн хоёрдугаар сарын 11-нд тус тус олгох юм байна. Мөн ахмад настнуудад Үндэсний их баяр наадам,сар шинийн баяраар насны хишигийн мөнгөн тэтгэмж олгодог. Тэгвэл насны хишгийг энэ сарын 11-нд олгох ажээ.