Энэ сарын 2-ноос нийтийн тээврийн автобусанд нэг л төхөөрөмжийг ашиглаж төлбөрөө төлдөг болоод байгаа.

Нийтийн Тээврийн Бодлогын Газраас мэдээлснээр уг системийн шинэчлэлтэй холбоотойгоор Хаан банк, Хас банк, Голомт банк, Худалдаа хөгжлийн банкнуудтай хамтарсан картын үйлчилгээнд өөрчлөлт оржээ.

Тодруулбал өмнө нь эдгээр картуудаар 1,000 төгрөг төлөөд 3 удаа дамжин суух боломжтой байсан бол энэ сарын 2-ны өдрөөс эхлэн уг хөнгөлөлт хязгаарлагдаж, бусад банкны карттай адил нэг удаагийн зорчилт нь 1,000 төгрөг болсон байна.

Нийтийн тээврийн автобусанд UBcard төхөөрөмжийг ашигласнаар зорчигчид буухдаа заавал төлбөрийн картаа уншуулдаггүй болсон билээ.