Дархан-Сэлэнгийн цахилгаан түгээх сүлжээ компани жилд 7000 бетон тулгуур үйлдвэрлэх хүчин чадалтай шинэ үйлдвэрийг Орхон суманд барихаар болжээ. Тус компани цахилгааны шон босгоход жил бүр 6000 гуалин мод ашигладаг байна. Харин шинээр барих үйлдвэр энэ хавраас эхэлж төмөр бетонон тулгуур үйлдвэрлэх бөгөөд ингэснээр гуалин бэлтгэх шаардлагагүй болох аж. Гуалин тулгуур нь 15 жилийн настай байдаг бол бетон тулгуур 50 жилийн эдэлгээтэй юм байна.

Б.ЦЭЛМЭГ