Дүүргийн Эрүү, Иргэний хэргийн хялбар ажиллагааны анхан шатны тойргийн шүүх яллагдагч Э.Тэмүүлэн, Ц.Санжаачойпэл нарт холбогдох хэргийг хэлэлцэж, 2025 оны долдугаар сарын 22-ны өдрийн 2181, 2182 дугаар захирамжаар хязгаарлалт тогтоох таслан сэргийлэх арга хэмжээ авч шийдвэрлэсэн.

Хүний эрүүл мэндэд хохирол учруулсан, олон нийтийн амгалан тайван байдлыг хүч хэрэглэн алдагдуулсан, мансууруулах бодис хэрэглэсэн гэх мэт хэргийн яллагдагч Ц.Санжаачойпэл, Э.Тэмүүлэн, Л.Алтан-Очир нарыг цагдан хорихоос татгалзсан Дүүргийн эрүү, иргэний хэргийн хялбар ажиллагааны анхан шатны тойргийн шүүхийн шүүгч Б.Билгүүний захирамжид гаргасан прокурорын эсэргүүцлийг хэлэлцэх хурлыг өнөөдөр 16.00 цагт товложээ.

Энэ дагуу шүүгч Б.Билгүүний захирамжид гаргасан прокурорын эсэргүүцлийг хэлэлцэх хурал эхэлсэн байна.

Б.ЖАРГАЛ