Монгол Улсад Атар газар эзэмшсэний 60 жилийн ойг тохиолдуулан Төв аймгийн Заамар сумын ИТХ, ЗДТГ-аас үе үеийн тариаланчдад хүндэтгэл үзүүлж, баярын арга хэмжээг зохион байгуулсан байна.

Баярын арга хэмжээний үеэр газар тариалангийн салбарт хөлс хүч, оюун бодлоо зориулсан тариаланч, механикжуулагч, агрономич, ногоочдодоо Төрийн дээд одон медаль, Аймгийн ИТХ, Засаг даргын шагнал, салбарын шагнал болон ойн медалиар шагнажээ.

Мөн Атрын 60 жилийн ойн хүрээнд “Тосон овоот хайрхан” ХХК-ийн хөрөнгө оруулалтаар Тосон багийн төвд “Атарчдын талбай” байгуулсан байна.

Эх сурвалж: Төв аймгийн ЗДТГ