УИХ-ын гишүүн Д.Хаянхярваа: “Саарал жагсаалтаас гарахын тулд эхний хуулиудаа батлаад байна гэж байна. Миний ойлгож байгаагаар хэдэн хуульд өөрчлөлт оруулаад хууль баталснаар саарал жагсаалтаас гарахгүй. Бид саарал жагсаалтаас гарах тухай асуудлыг өнгөцхөн ойлгоод байна. Ерөөсөө хэдэн хууль батлаад тайлангаа тавьчихаар болчих юм шиг. Миний авсан мэдээллээр ФАТФ-ынхан манай улсыг саарал жагсаалтаас гаргах шалгалтын хугацаа нь зургаан сар үргэлжилнэ. Зургаан сарын дараа манай улсыг саарал жагсаалтаас гаргах эсэх талаар шийдвэр гаргана. Хууль гаргахдаа саарал жагсаалтаас гаргах календарчилсан төлөвлөгөө байна уу. Засгийн газрын хамтарч ажиллах ёстой яам тамгын газрууд, төрийн хэвшлийн байгууллагууд гээд Монголын бүх хүнийг нэгдсэн ойлголттой, зохион байгуулалттай байлгах тал дээр учир дутагдалтай байна. Одоо саарал жагсаалтаас гарахын тулд хуулийн хэрэгжилтийг зохион байгуулах ажлыг эрчимжүүлэх ёстой. Хоёрдугаарт, Төр хувийн хэвшлийн хамтын ажиллагааг өшөө сайжруулах хэрэгтэй байна. Засгийн газар, хууль хяналтын байгууллага, төр, хувийн хэвшлийн байгууллагын хоорондын механизмыг зөв олж чадаагүй байна. Саарал жагсаалтаас гарах тухай ойлголтыг засгийн түвшинд бүрэн гүйцэд ойлгохгүй байна”