Импортын хүнсий татварыг жил бүр нэмэх хууль батлагдлаа

Aдмин / Хууль

УИХ-ын чуулганы өнөөдрийн хуралдаанаар, УИХ-ын гишүүн А.Сүхбат, Х.Болорчулуун нарын 22 гишүүнээс өргөн мэдүүлсэн “Импортын барааны гаалийн албан татварын хувь, хэмжээ батлах тухай тогтоолын хавсралтад өөрчлөлт оруулах тухай” тогтоолын төслийг баталлаа.

Тогтоолын төслийн үзэл баримтлалд, "үүссэн нөхцөл байдалтай холбогдуулан дотоодын хүнсний үйлдвэрлэлийг дэмжих зорилгоор төмс, байцаа, манжин, лууван, сонгины импортын хүнсний ногооны татварын хувь хэмжээг жил бүр нэмнэ" хэмээн дурджээ.

УИХ-ын Төсвийн байнгын хорооны өнгөрсөн сарын 28-ны хуралдаанаар эл тогтоолын төслийг хэлэлцэж зарчмын зөрүүтэй саналын томъёоллоор санал хураан шийдвэрлэсэн талаарх санал, дүгнэлтийг УИХ-ын гишүүн Н.Амарзаяа танилцуулав.

Байнгын хорооны санал, дүгнэлттэй холбогдуулан асуулт асууж, хариулт авах гишүүн байгаагүй тул Байнгын хорооны дэмжсэн зарчмын зөрүүтэй саналын томъёоллоор санал хураалаа. Тухайлбал, “Энэ тогтоолын гурав дахь заалтад заасан барааны үндэсний кодыг 2020 оны 08 дугаар сарын 01-ний дотор батлах”, “Импортын барааны гаалийн албан татварын хувь, хэмжээ батлах тухай” УИХ-ын 1999 оны 06 дугаар сарын 03-ны 27 дугаар тогтоолын 4 дэх заалтаар Монгол Улсын Их Хурлаас эрх олгосны дагуу мөн тогтоолын хавсралтын 7 дугаар бүлэгт заасан хязгаарт багтаан барааны гаалийн албан татварын хувь хэмжээг шинэчлэн тогтоох”, “Дотоодын үйлдвэрлэлийг хамгаалах зорилгоор Дэлхийн худалдааны байгууллагын хамгаалалтын арга хэмжээний тухай хэлэлцээрт нийцүүлэн хамгаалалтын арга хэмжээний тухай журмыг батлан хэлэлцээрийн хүрээнд үйлчлэх импортын тоо хэмжээний хязгаар болох гаалийн албан татварын хувь хэмжээг тогтоох” гэж тус тус өөрчлөн найруулахыг хуралдаанд оролцсон олонх нь дэмжлээ.

Ингээд дээрх тогтоолын төслийг бүхэлд нь батлахыг хуралдаанд оролцсон гишүүдийн 66.3 хувь нь дэмжиж баталлаа.


Сэтгэгдэл

ГОЛОГДСОН хөгшин [202.9.46.146] 2020-05-01 16:44:07

ОДОО шуналын туламуудын уутыг дүүргэх гэж олсон хэдэн төгрөгөө хураалгах волждээ ногооховор эрдэнэ волох вайхдаа волор чулууны гурил сүх ватын ногооны үнэ хэд волох волдоо

Bold [122.201.23.162] 2020-05-01 15:31:10

Zuv shiidver ,demjij bna.!


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.