Ерөнхийлөгч Х.Баттулга УОК, СЕХ-ны гишүүдтэй уулзлаа

Ц.Анударь / Улстөр

Монгол Улсын Ерөнхийлөгч Х.Баттулга өчигдөр /2020.05.04/ Улсын онцгой комисс (УОК) болон Сонгуулийн ерөнхий хороо (СЕХ)-ны гишүүдтэй цаг үеийн асуудлаар уулзаж, ярилцлаа.

Гадаадад байгаа иргэдийн асуудлаар:

Коронавируст цар тахлын үед гадаадад байгаа монгол иргэдийн нөхцөл улам хүндэрч, амьжиргаа нь тасалдахад хүрсэн тул хүсэлт гаргасан иргэдийг эх оронд нь авчрах ёстой гэж Монгол Улсын Ерөнхийлөгч Х.Баттулга үзэж байна.

Тухайлбал, Энэтхэг улсад байгаа монгол иргэд коронавирусний халдвар авах өндөр эрсдэлтэй, наад захын хүнсний хомсдолтой тулгарч байгаа тул Энэтхэгээс иргэдээ татах, ингэхдээ “МИАТ” компани тус улс руу нислэг үйлдэх боломжгүйг харгалзан үзэж, Энэтхэгийн компаниар нислэг хийлгэх боломжийг судалж, шийдвэрлэх чиглэлийг УОК-ын дарга Ө.Энхтүвшинд өглөө.

Энэ маягаар шууд нислэг үйлддэггүй улс орнуудаас иргэдээ татах боломж бүрдвэл олон улсын нислэг үйлдэх боломжтой орон нутгийн байр, боловсон хүчнийг ашиглан ачааллыг хуваарилах санал гаргасныг УОК-ын гишүүд хэрэгжүүлж боломжтой гэсэн бөгөөд энэ чиглэлд анхаарч ажиллахаар боллоо.

Мөн уулзалтаар төрийн үйлчилгээний албан хаагчдын цалинд тохирсон орон сууцны зээлийн бодлого гаргах тухай Монгол Улсын Ерөнхийлөгчийн санал, түүний хэрэгжилтийн талаар санал солилцлоо. Монгол Улсын Ерөнхиийлөгч Х.Баттулга цар тахалтай холбогдуулан боловсруулж, баталсан нэг удаагийн хуульд хүргүүлсэн саналдаа энэ асуудлыг тусгасан бөгөөд хэрэгжилтийг түргэн шуурхай хангаж ажиллахыг холбогдох албан тушаалтнуудад чиглэл болгов.

Сонгуулийн асуудлаар:

СЕХ-ноос УИХ-ын ээлжит сонгуулийг зохион байгуулахаар бэлтгэл ажлаа хангаж байна. Гэсэн ч намууд нэр дэвшигчээ тодруулах, сонгуулийн сурталчилгаа эхлэх, санал өгөх өдөр гэсэн томоохон бөөгнөрөл, цугларалтыг цар тахлын үед хэрхэн зохион байгуулах талаар тодорхой дүрэм, журам гаргаагүй байна.

Иймд Монгол Улсын Ерөнхийлөгч Х.Баттулга цар тахлын сонгуулийн үед дагаж мөрдөх журмыг нарийвчлан гаргаж, аливаа эрсдэл гаргасан үйлдэлд хүлээлгэх хариуцлагыг холбогдох эзэнтэй нь тодорхой болгож, ойрын хугацаанд боловсруулах санал хэллээ.

Түүнчлэн цар тахлын үед зохион байгуулах гэж буй УИХ-ын ээлжит сонгуульд оролцох нам, эвсэл, нэр дэвшигчид нийлээд 474 гаруй тэрбум төгрөг зарцуулах урьдчилсан тооцоо байгааг анхааралдаа авч, хямралын нөхцөлд үр ашиггүй зардал гаргахаас зайлсхийх хэрэгтэйг онцоллоо.

Уулзалтад УОК-ын дарга, Монгол Улсын Шадар сайд Ө.Энхтүвшин, Эрүүл мэндийн сайд Д.Сарангэрэл, Онцгой байдлын ерөнхий газрын дарга, хошууч генерал Т.Бадрал, СЕХ-ны дарга Ч.Содномцэрэн, мөн гишүүд оролцов.


Холбоотой мэдээлэл:

Дэлхий дахинд 3.5 сая хүн өвчлөөд буй коронавируст цар тахлын нөхцөл байдлын улмаас өндөржүүлсэн бэлэн байдлын зэрэгт шилжсэн энэ үед УИХ-ын 2020 оны ээлжит сонгуулийг зохион байгуулах гэж байгаатай холбогдуулан Монгол Улсын Ерөнхийлөгч Х.Баттулга:


Сэтгэгдэл

ЗОЧИН [124.158.95.14] 2020-05-08 09:27:38

БАТТУЛГА АРД ИРГЭДЭЭ БОЛСОНДОО ИНГЭЖ БАЙГАА БИШ БАЙХАА, КОРОНАГООР ДАЛИМДУУЛАН МӨНХИЙН ХААН БОЛЧИХ САНААТАЙ ҮЗЭЭД БАЙНА,ЧИНИЙ МӨРӨӨДӨЛ ЧИНЬ БҮТЭХГҮЙ ЭЭ, СОНГУУЛЬ БОЛДОГООРОО БОЛНО, ТА ГУАЙ 1 ЖИЛИЙН ДАРАА АРЧИГДАНА, ТЭР БОЛТОЛ ТАЙВАН БАЙ?ЕРӨНХИЙЛӨГЧИЙН ЗАСАГЛАЛТАЙ БОЛЖ НЭГ ЭРГҮҮ ТЭНЭГИЙН ГАРТ ОРОХЫГ ХҮСЭХГҮЙ БАЙНА, БУСАД ХҮМҮҮС Ч ИНГЭЖ БОДОЖ БАЙГАА БАЙХ.

зочин [103.9.88.162] 2020-05-06 09:57:06

СЕХороо нь хууль ёсны бүрэн эрхээ хэрэгжүүлэхэд аливаа байгууллага,албан тушаалтан,иргэн хэн боловч хөндлөнгөөс оролцохыг хориглоно гээд хуульд заасан байх юм

Энхболд.х [172.58.140.200] 2020-05-06 07:08:06

Санал өгөх хүмүүсийг Танхимд Цөөн цөөнөөр нь дараалалтайгаар Амны хаалттай нь оруулж санал өгүүлж болно.Зохион байгуулалт нь сайн байх естой.Хүмүүс хоорондын зайг бариулах.Танхим өрөөг мэдээж ариутгасан.Хаалганы бариул эднийг Цаг тутам ариутгах гэх мэт.Эдгээрийг хэрэгжүүлбэл болноо.Хүний ухамсар дээшилсэн цаг шүү.Архийг хаа.

h [122.201.22.134] 2020-05-05 19:21:29

күэ энэ нөхөр чинь сонгууль болохгүй гээд бснаа болиод сн зохион байгуул гэнэ үү, тээд бид ер нь итгэх хүн бна уу???

Зочин [66.181.183.253] 2020-05-05 15:10:43

ЗАСГИЙН ГАЗАР УОК. ЭМЯ МАШ САЙН АЖИЛЛАЖ БАЙГАА ОЛОН ЭРХ МЭДЭЛТЭН ОРОЛЦОХООР ЗАДГАЙРДАГ ТАЛТАЙ ШҮҮ УОК -Н ЗААВРААР УДИОДЛАГА ДОР ЯВЖ ИРСЭН ЦААШИД Ч УОК АЖИЛЛААД ЯВСАН НЬ ЗҮЙТЭЙ БАЙХАА

Зочин [103.57.94.96] 2020-05-05 14:29:34

Ene baliar amitan yu l sedeed novshrood baigaa boldoo

Зочин [66.181.188.33] 2020-05-05 14:28:09

Баттулга дутаа чамтай чамгүй болноооо


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.