УИХ-ын гишүүн Л.Энх-Амгалан: Бид олон хуулийг баталлаа. Хамгийн гол хууль нь Эрүүл мэндийн тухай хуульд нэмэлт өөрчлөлт оруулах, тусламж үйлчилгээний тухай хуульд нэмэлт өөрчлөлт оруулах тухай хуулийн хэлэлцүүлгийг бүгдийн хийгээд өнөөдөр маргааш гэхэд батлах зайлшгүй шаардлага байгаа юм. Монгол улсад эмнэлгийн анхан шатны тусламж үйлчилгээг хуулиндаа тодорхойлж өгөөгүй. Өнөөдөр багийн эмч иргэдэд ямар тусламж үйлчилгээ үзүүлэх ёстой вэ. Сумын эмнэлэг, аймгийн эмнэлэг, хоёр гуравдугаар шатлалын эмнэлгийн хоорондын уялдаа холбоо ямар байх ёстой вэ гэдэг асуудлууд тулгамдаж байна.

Өнөөдөр ядуурлын хамгийн гол шалтгаан эрүүл мэндийн зардал, эрүүл мэндийн үйлчилгээний төлбөр өндөр учраас иргэдэд ядууралд өртөж байгаа. Азийн хөгжлийн банк, дэлхийн банкнаас судалгаа хийсэн байна. Ер нь үнэндээ амьдрал дээр урьдчилсан эмчилгээнд хамрагдаж чадахгүй байж байгаад гэнэт хавдар болдог. Хавдрын мэс засал хэдэн зуун сая төгрөгийн өртөгтэй байдаг. Үүнээс болж иргэдэд бүх зүйлээ барьцаанд тавьж, ах дүүгээр хоосорч дуусдаг. Ийм амьдрал бидний дунд байгаа. Манайх хавдраар дэлхийд дээгүүр ордог. Иймээс Эрүүл мэндийн тухай хуулийг цаг алдахгүй батлах хэрэгтэй.

Цар тахлын үед эрсдэл хямрал дагуулж байгаа гэсэн ч нөгөө талаас боломж дагуулж байна гэж харж байгаа. Монгол улсад цахим эрүүл мэндийн үйлчилгээ бодит болчихсон. Харамсалтай стандартын нэг мөр болгох шаардлагатай. Амьдрал эхо болон бусад зүйл дээр мөнгө төлөөд харуулдаг. Харин нөгөө эмнэлэг оношилгоог хүлээн зөвшөөрдөггүй. Дахин мөнгө төлж үйлчилгээ авдаг. Ийм зүйл байгаа. Энэ хууль батлагдаж гаргах юм бол лабораторийн шинжилгээ, сум болон аймагт өгсөн шинжилгээг хоёр гуравдугаар шатлалын эмнэлэг хүлээж аваад шинжилгээний хариуг өгдөг байх хэрэгтэй байна.

Эмнэлгийн тусламж үйлчилгээний хууль нь эрүүл мэндийн салбарт шинэчлэл хийх хууль. Хэрэгжих хугацааг жаахан хойшлуулсан байгаа. Гол нь Эмнэлгийн даргаа хамт олон сонгодог зохицуулалт байгаа. Эмнэлгийн дарга хэдэн хүнтэй ажиллах уу гэдэг байгууллага хамт олон өөрсдөө шийддэг байх хэрэгтэй.