УИХ –ын гишүүдийн бүрэн эрх нь дуусч, дараагийн сонгуулийн босгон дээр ирээд байна. Өнгөрсөн дөрвөн жилийн хугацаанд УИХ-ын гишүүд ямар ажил хийснийг Мэдээ.мн тоймлон хүргэж байгаа билээ. Энэ удаад шудрага, зарчимч, ажил хэрэгч хэмээн үнэлэгддэг УИХ-ын гишүүн Л.ЭЛДЭВ-ОЧИРЫГ онцолж байна. Түүний хувьд 2016 оны УИХ-ын сонгуульд Баянхонгор аймгийн есдүгээр тойрогт МАН-аас нэр дэвшиж, сонгуульд ялалт байгуулж, УИХ-ын гишүүн болсон. Өнгөрөгч дөрвөн жилийн хугацаанд төрийн түшээ тойрогтоо болон улс, эх оронд ямар ажлуудыг хийж, амжуулсаныг тоймлон хүргэж байна.

АЖИЛЛАСАН БАЙДАЛ

• Монгол Улсын Их Хурлын Гишүүн
• Баянхонгор аймгийн Монгол Ардын Намын хорооны Дарга
• Монгол Улсаас Канад Улсад суугаа Элчин сайдын яамны Элчин зөвлөх
• М-Си-Эс Групп Дэд ерөнхийлөгч
• Зүүнхараа Трейд ХХК Гүйцэтгэх захирал
• Спирт Бал Бурам ХХК Ерөнхий захирал
• М-Си-Эс Интернэйшнл ХХК Дэд захирал
• Мон Стар ХХК Захирал
• Эрчим хүчний барилга угсралтын трест, конторт монтёр, мастер, Ерөнхий инженер, Дарга,

ОНЦЛОХ ҮЙЛ ЯВДЛУУД

ТОЙРГИЙН СУМДАДАА ХУУЛЬ БУС ХАРИУЦЛАГАГҮЙ УУЛ УУРХАЙНУУДЫН ТУСГАЙ ЗӨВШӨӨРҮҮДЛИЙГ ЦУЦЛУУЛААД АВЧЭЭ.

Баянхонгор аймаг нь алтны шороон ордууд олонтой, тэр хэрээрээ алт олборлогч алтны уурхайнууд болон ард, иргэдийн хооронд халуухан тэмцлүүд үе үе өрнөдөг газар билээ. УИХ-ын гишүүн Л.Элдэв-Очирын хувьд сонгогдсон тойргийн сумдууд болох Гурванбулаг сум, Галуут сум, Баян-Овоо сум, Заг сумдын нутагт байршилтай зургаан алтны уурхайн лицензийг хуулийн хүрээнд холбогдох байгууллагуудад хандаж цуцлуулсан байна. Энэ нь иргэд, хөдөлмөрчдийн талархалыг ихэд хүлээж байгаа гэнэ. Учир нь өмнө нь сонгогдож байсан Батж.Батбаяр зэрэг эрхмүүд өөрсдийн эрх мэдэл давуу талаа ашиглан лицензүүд авч байснаас цуцлуулж байсан түүхгүй юм. Түүнчлэн Жаргалант, Хүрээмарал, Баян-Өндөр сумдад дахин хууль бус уурхайн лицензүүдийг цуцлуулахаар ажиллаж байгаа гэнэ. Хууль бус алтны уурхайнуудтай тэмцэхэд иргэдийн дэмжлэг асар их хүч өгдөг. Бас уурхайн эздээс ил далд дарамт шахалт ирдэгийг саяханы нэгэн ярилцлагадаа дурждээ. Харин хариуцлагатай, хуулийн хүрээнд үйл ажиллагаа явуулдаг уул уурхайг дэмждэг байна.

МАЛЧИН ӨРХИЙН ТУШААСАН НООЛУУРЫН КГ ТУТАМД УРАМШУУЛАЛ ОЛГОХ ТӨСӨЛ БОЛОВСРУУЛЖЭЭ

УИХ-ын даргын 2020 оны 73 дугаар захирамжаар УИХ-ын гишүүн Л.Элдэв-Очироор ахлуулсан ажлын хэсэг шуурхай ажиллаж Ноолуурын зах зээлд тулгамдаж буй асуудлыг шийдвэрлэх тогтоолын төсөл боловсруулж, Засгийн газарт хүргүүлжээ. Энэ нь ч багагүй шуугиан дагуулсан.

Уг тогтоолын төсөлд ноолуурын түүхий эдийн нөөц бүрдүүлэх, ноолуурын үйлдвэрлэл эрхлэгчдэд хөнгөлөлттэй зээл олгох, ноолуурын экспортыг дэмжихээр бүх хилийн боомтоор саадгүй нэвтрүүлж, хураамжийг тэглэх асуудлыг тусгажээ. Мөн үндэсний үйлдвэрт ноолуур тушаасан малчин өрхөд кг тутамд нь 20 мянган төгрөгийн урамшуулал олгох, тус зах зээлд өрсөлдөөн бий болгож, бодит үнэ тогтоох зорилгоор гадаадын худалдан авагчдыг татах ажлыг зохион байгуулахаар тусгасан байна. Тушаасан ноолуурынх нь хэмжээгээр малчин өрхүүдэд урамшуулал олгоход 200 тэрбум гаруй төгрөг шаардлагатай хэмээн үзжээ.

Уг тогтоолыг баталснаар малчдын орлого өсөх, зах зээлд ноолуурын бодит үнийг тогтоох боломж бүрдэнэ хэмээн үзэж буйгаа ажлын хэсгийн ахлагч, УИХ-ын гишүүн Л.Элдэв-Очир хэвлэлийн бага хурлын үеэр онцолсон юм. Засгийн газраас ноолуурын үнийг 100 мянган төгрөг байна хэмээн мэдэгдсэний улмаас үйлдвэрлэл эрхлэгчид ноолуураа авахгүй, малчин өрхүүд үнэ өсөхийг хүлээж хадгалах байдал үүсч, энэ хэрээрээ хаврын тарчиг цагт төлөвлөж байсан орлого нь тасарснаар малчин өрхүүдийн амжиргаа болоод идэш тэжээлээ бэлтгэхэд хүндрэл үүссэн юм. Харин кг ноолуур тутамд 20000 төгрөгний урамшуулал олгох шийдэл нь цагаа олсон, оновчтой шийдвэр болсон гэдэгтэй маргах аргагүй юм.

МАЛЧИН ХУВИАРАА ХӨДӨЛМӨР ЭРХЛЭГЧИЙН ТЭТГЭВЭРИЙН ДААТГАЛЫН ШИЙМТГЭЛИЙГ НӨХӨН ТӨЛЛҮҮЛЭХ ТУХАЙ ХУУЛИЙН ТӨСЛИЙГ БАТЛУУЛЖЭЭ

Монгол улс 70 сая толгой малтай болж, нэг хүнд ноогдох бог малынхаа тоогоор дэлхийд тэргүүлсээр байна. Цаашлаад Монгол улс махны экспортыг эдийн засгийнхаа нэг гарцаар нэрлэж, мал аж ахуйдаа түшиглэн хөгжих зорилго зорилтуудыг ч хөгжлийн бодлогодоо тусгасан. Гэвч загасчны морь усгүй гэдэг шиг жилийн дөрвөн улирлын турш хөдөө хөхөрч, гадаа гандан, өвөлд нь хөрж, мал сүргээ өсгөхийн тулд цаг наргүй хөдөлмөрлөж байгаа малчдын нийгмийн асуудалд учир дутагдалтай олон асуудал байлаа. Үүний нэг нь малчдын тэтгэвэр тогтоолгоход учирч байгаа бэрхшээлийг шийдвэрлэх, тэдний хөдөлмөрийг шударгаар үнэлэх хүрээнд УИХ-ын гишүүн Л.Элдэв-Очир нэр бүхий гишүүдтэй хамтран Малчин хувиараа хөдөлмөр эрхлэгчийн тэтгэвэрийн даатгалын шиймтгэлийг нөхөн төлүүлэх тухай хуулийн төслийг батлуулсан байна.

Тус хуулийн зохицуулалтаар Малчид Эмэгтэй 50, Эрэгтэй 55 настайдаа тэтгэвэрт орох боломж бүрдэж байгаа юм. Одоогоор 8020 малчин шинээр тэтгэвэр тогтоолгож 11,0 орчим тэрбум төгрөгний тэтгэвэр олгогдоод байгаа юм байна.

ДӨРВӨН ЖИЛИЙН ХУГАЦААНД ТОЙРОГТОО НИЙТ 26 ТЭРБУМ ТӨГРӨГИЙН ТӨСВИЙН ХӨРӨНГӨ ОРУУЛАЛТЫГ ТАТЖЭЭ 12,1 ТЭРБУМ ТӨГРӨГИЙН БҮТЭЭН БАЙГУУЛАЛТЫН АЖИЛ ХИЙГДЭЭД БАЙНА.

Төсвийн хөрөнгө оруулалтыг сум орон нутагтаа татна гэдэг ямар хүнийг парламентад сонгосон бэ гэдгээс шууд хамааралтай байдаг. Тэгвэл 2016-2020 оны хооронд УИХ-ын гишүүн Л.Элдэв-Очирын сонгогдсон тойргийн сумдад төсвийн хөрөнгө оруулалтаар хийгдсэн болон хийгдэж байгаа төсөл хөтөлбөрүүдийг үзэгч та бүхэнд танилцуулж байна. Үүнд Баянхонгор аймгийн Гурванбулаг, Заг, Баян-Овоо, Эрдэнэцогт, Жаргалан, Галуут,Баянхонгор сумдад цэцэрлэг, сургууль, соёлын төв, цахилгаан дамжуулах шугам, эрүүл мэндийн төв, бетонон гүүр гэх зэрэг нэн шаардлагатай байгаа дэд бүтэц, төрийн үйлчилгээний барилга обьектуудыг шинээр барих 26,8 тэрбум төгрөгийн төсөвт өртөгбүхий 20 төслийг хэрэгжүүлж эхэлжээ. Зарим бүтээн байгуулалтын ажлууд нь он дамжин хийгдэх юм.

ТАНИЛЦ: УИХ-ЫН ГИШҮҮН, Л.ЭЛДЭВ-ОЧИРЫН УЛСЫН ИХ ХУРАЛД ӨРГӨН МЭДҮҮЛСЭН ХУУЛИЙН ТӨСЛҮҮД

УИХ-ЫН ЧУУЛГАНЫ ХУРАЛДААЫ ҮЕЭР УИХ-ЫН ГИШҮҮН Л.ЭЛДЭВ-ОЧИРЫН ИЛЭРХИЙЛСЭН БАЙР СУУРИЙГ ТОЙМЛОН ХҮРГЭЖ БАЙНА.

ГЭРЭЭ БАЙГУУЛСАН УЧРААС ҮҮРГЭЭ ХҮЛЭЭХ ЁСТОЙ

УИХ-ын гишүүн Л.ЭЛДЭВ-ОЧИР: ОУВС саналаа илэр­хийлэх нь зөв. ОУВС-гийн хөтөлбөрт хам­рагдах нь Монголд үүссэн эдийн зас­гийн хүндрэлийг даван туулахад чиг­лэж байгаа. Санхүүгийн сахилга бат, үндэсний валютын тогтвортой байдал, инфляцын өсөлт гээд ОУВС-гийн санааг зовоож байгаа асуудлууд бий. Гэхдээ УИХ-аас ОУВС-гийн хөтөлбөрт хамрагдсанаас арай өөр хувилбараар гаргалгааг нь хийсэн. Улсын төсөвт өөрчлөлт орохгүй. Тэртэй тэргүй хөтөлбөрөөс ангид эс үүсвэрээс сан­хүүжүүлэх болохоор асуудал үүсэхгүй байх. Гол нь эдийн засгийн нааштай өөрчлөлтүүд уначих вий гэж санаа зовж байгаа нь гарцаагүй. Үүнд ОУВС ч биш бид бүгдээрээ санаа зовж байна. ОУВС-гийн хөтөлбөр зайлшгүй байх ёстой гээд бид хөтөлбөрт хамрагдсан. Монгол Улс дөрөв дэх удаагаа хамрагдаж байгаа. Хэрэв Валютын сангийн хөтөлбөрт хамрагдахгүй бол улстөрчид “поп”-роод хамаг юмаа тавиад туучихна. Ялангуяа сонгуулийн жилд ирээдүйд олох ашгаа хүртэл хуваарилаад улс төрийн шоу хийчихдэг. Тэгэхээр ОУВС-гийн хөтөлбөрт хамрагдах нь зөв, гэрээгээр хүлээсэн үүргээ биелүүлэх ёстой.

Л.ЭЛДЭВ-ОЧИР: МАЛЫН ХУЛГАЙН ЯЛЫН САНКЦИЙГ НЬ ЧАНГАРУУЛЖ БАЙГАА

УИХ-ын чуулганы \2020.01.10\ нэгдсэн хуралдаанаар Эрүүгийн хуульд өөрчлөлт, Зөрчлийн тухай хуульд нэмэлт оруулах тухай хуулийн төслүүдийг эцсийн хэлэлцүүлэгт шилжүүлсэн.

Энэ үеэр УИХ-ын гишүүн Л.ЭЛДЭВ-ОЧИР:Үндсэн хуулинд мал сүрэг бол үндэсний баялаг бөгөөд төрийн хамгаалалтанд байна гэсэн том заалттай. Хөдөө аж, ахуйн салбар Монгол Улсыг олон жил тэжээж байгаа манай улсын суурь гол салбарын нэг.

Сүүлийн үед мал хулгайлах гэмт хэргийн асуудал муу үзүүлэлтүүдийг харуулж байна. 2018 оныг 2019 онтой харьцуулбал мал хулгайлах гэмт хэргийн тоо 71.6 хувиар өссөн таагүй мэдээ байна. Тийм учраас Х.Болорчулуун нарын гишүүд бид энэ хуулийн нэмэлт, өөрчлөлтөөр малын хулгайн ялын санкцийг нь нэмэгдүүлж байгаа. Гишүүд буруу ойлголттой байсан одоо саналууд нэгдэж байна. Мал хулгайлах гэмт хэрэг хэрээс хэтэрч байгаа нь үнэн.

Л.ЭЛДЭВ-ОЧИР: ИРЭЭДҮЙН ӨВ САНГАА ӨРГӨТГӨӨД НИЙГМИЙН ДААТГАЛЫН РЕФОРМ ХИЙХ ЦАГ БОЛСОН

УИХ-ын чуулганы \2020.01.09\ нэгдсэн хуралдаанаар, Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийг дэмжлээ.

Энэ үеэр УИХ-ын гишүүн Л.ЭЛДЭВ-ОЧИР: Үндсэн хууль болон бусад хууль тогтоомжид нийцүүлэн өнөөдрийн хуулийг батлахад бэлэн болоод байна. Сая нийгмийн даатгалын сангийн реформын асуудлыг ярьж байна. Энэ санаачилга гарснаас хойш хэлэлцүүлэгүүд нэлээд явагдлаа. Бид цаашид халамжийн бодлогоо зорилтот бүлэгт чиглэсэн, хавтгайрсан биш халамжийн бодлогыг төр явуулах ёстой.

Энэ халамжийн бодлогоо бид хэрхэн яаж явуулах юм бэ? гэнэтийн огцом шийдвэр гаргаж, алаагүй баавгайн арьсыг хувааж байгаа юм шиг л харагдаж байна. Бид ирээдүйн өв сангаа өргөтгөөд нийгмийн даатгалын реформ хийх цаг болсон шүү. Энэ бол Засгийн газар, УИХ-ын төрөөс үзүүлж байгаа ахмадууд руу чиглүүлж буй халамжийн бодлогын эхлэл юм шүү.

урхан багшийн Их дүйчин өдрийг бүх нийтээр тэмдэглэдэг байх талаар 300 гаруй мянган иргэн гарын үсэг зурсан хүсэлтээ Гандантэгчинлэн хийдээр дамжуулан төсөл санаачлагчидад ирүүлсэн байна.

Л.ЭЛДЭВ-ОЧИР: СОНГОГЧДЫН ШИЛЖИЛТИЙГ ХОРИГЛОХ ЗААЛТ ОРУУЛМААР БАЙНА

Улсын их хурлын \2019.12.06\ нэгдсэн хуралдаанаар Улсын Их Хурлын сонгуулийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж байна.

Энэ үеэр УИХ-ын гишүүн Л.ЭЛДЭВ-ОЧИР: Баталсан Үндсэн хуулийн нэмэлт өөрчлөлтөөр мажоритор тогтолцооны олон хувилбар, тоон дээр задрах юм бол магадгүй 75/1 гэдэг хувилбарч орж ирж магадгүй юм байна. Тогтолцооны асуудал маргаан дагуулж байна. Сонгуулийн мажоритор,тогтолцоог задлах юм бол 75/1 гэж орж ирэх юм байна. Энэ дээр өргөн хэлэлцүүлэг өрнөх байх. Сонгуулийн энэ хуулийн 26 дугаар зүйл дээр нэг заалтыг нэмж оруулах хүсэлтэй байна . Сонгогчдын шилжилт хөдөлгөөнийг бүр тусад нь оруулмаар байна. Мөн иргэд, сонгогчдоо царцаа гэж доромжилмооргүй байна. Сонгогчдыг албаар нүүлгэж аваачсанаа намайг авчирсан мэтээр цахим хуудсанд нийтэлж байсан тохиолдол гарч байсан удаатай. Нарийндаа сонгогчдыг олноор нь суурин байгаа газраас авч явж байгаа асуудлыг хатуу хориглож хуульчилмаар байна.

Сонгогчдын шилжилтийг хориглохгүй болохоор үр дүнд хүрэхгүй шүү дээ. Тойргийн том жижгээс үл хамааран сонгогчдын шилжилтийг хязгаарлах ёстой. Аль ч тогтолцоогоор сонгууль явуулсан сонгогчдын шилжилтийг хаасан заалт оруулах асуудалд хатуу байр суурьтай байна.

УИХ-ЫН ГИШҮҮН Л.ЭЛДЭВ-ОЧИРЫН ТОЙРОГТОО АМЛАСАН МӨРИЙН ХӨТӨЛБӨР ХЭРЭГЖСЭН ҮҮ?

МАН-ЫН АРД ИРГЭДДЭЭ АМЛАСАН МӨРИЙН ХӨТӨЛБӨР:

• БИД ХАМТДАА
• ИРГЭДЭЭ ЯДУУРЛААС АВАРЧ
• ЭДИЙН ЗАСГАА ХЯМРАЛААС ГАРГАХ
• ЭХ ОРНОО ӨРНӨӨС САЛГАЖ
• ТӨРИЙН ДАМПУУРЛЫГ ЗАСЧ
• ТЭГШ ЖУРАМ, БАЯН ХҮЧИРХЭГ МОНГОЛОО ЦОГЦЛООЖ ЧАДНА

Энэхүү мөрийн хөтөлбөрт туссан АМЛАЛТУУД дөрвөн жилийн хугацаанд хэрэгжсэн үү. Тэр дундаа УИХ-ын гишүүн Л.Элдэв-Очир тойрогтоо амласан мөрийн хөтөлбөрөө хэрэгжүүлж чадсан уу гэдгийг уншигч та дүгнэх учиртай.

Ямартай ч УИХ-ын 76 гишүүн дотроос Л.Элдэв-Очир гишүүн тойргийн сумдад хамгийн олон хоног ажилласан гишүүнээр нэрлэгдэж байна. Мөн хувийн хөрөнгө оруулалтаар ЖДҮ,бүтээн байгуулалтыг дэмжжээ. Үе үеийн УИХ гишүүдээсээ хувийн хөрөнгө санхүүжилтээрээ тойргийн иргэдийн амжиргаанд нэмэр болох, эрүүл мэндийн үзлэг оношилгоог үнэ төлбөргүй зохион байгуулах, зарим шаардлагатай бүтээн байгуулалтын ажлыг хийдэг нь тийм ч олон биш.

Тэрээр өнгөрсөн дөрвөн жилийн хугацаанд 300 гаруй сая төгрөгөөр нэхий элдэх, боловсруулах жижиг үйлдвэрүүд, 100 гаруй сая төгрөгний төсөвтэй ЦДШ сүлжээ, Япон улсад үйлдвэрлэгдсэн яаралтай түргэн тусламжийн бүрэн тоноглогдсон автомашин, сум дуганы барилга байгууламж, эмчилгээ, сувилалын зардал, оюутны тэтгэлэг гээд бусдад шаардлагатай дэмжлэг туслалцаа үзүүлсээр иржээ. Аргагүй ч биз томоохон бизнестэй, нутгаа гэсэн сэтгэлтэй хүн.

Мөн 2018 оны Хаврын, 2019 Намрын чуулганд тойрогтоо хамгийн олон өдөр ажилласан гишүүнээр тодорчээ. Тойрогтоо бүтэн нэг сар гаруйн турш ажиллаж, “ХАМТДАА” нэртэй өдөрлөг, олон талт арга хэмжээ зохион байгуулж, иргэн бүртэй гар барин биечлэн уулзаж, тэдний санаа бодлыг сонсож, харилцан ярилцаж олон асуудлын шийдлийг тойргийнхоо сонгогчдынхоо саналд үндэслэн шийдэж, шийдвэр гаргах түвшинд уламжилж ажилласан байна.