Улсын онцгой комиссын шийдвэрийн дагуу эх орондоо ирэх хүсэлтээ гаргасан иргэдийг долдугаар сард татан авах тусгай үүргийн нислэгүүд үйлдэгдсээр байна. Энэ дагуу энэ сарын 02, 04-ны өдрүүдэд Сөүл, Токиогоос иргэдээ татан авсан.

Хуваарийн дагуу ирэх Мягмар гаригт буюу долдугаар сарын 07-ны өдөр дараагийн чартер нислэгийг Сөүл рүү үйлдэнэ.

Эх орондоо ирэх хүсэлт гаргасан иргэд ирээд 21 хоног тусгаарлагдах байр, хоолны зардлаа өөрсдөө хариуцаж буй.

• Иргэдийг 21 хоног тусгаарлах байр, хоолны зардал хоногийн 50000 төгрөг буюу нийт 1 050 000 төгрөг,
• 0-5 настай хүүхэд төлбөргүй, 6-18 хүртэлх насны хүүхэд хоногийн 30000 төгрөг буюу нийт 630000 төгрөг байна.

Дээрх төлбөрийг тус улсуудаас ирэх иргэний ар гэрийнхэн нь Монголд, Онцгой байдлын ерөнхий газрын /ХААН БАНК 5084538375/ дансанд урьдчилан шилжүүлж, төлбөрийг бүрэн барагдуулсны дараа онгоцны суудлыг баталгаажуулна.