САЙД Н.ЭНХТАЙВАН ЭЛЧИН САЙД РАУЛ ДЭЛГАДОГ ХҮЛЭЭН АВЧ УУЛЗАВ
Гадаад харилцааны сайд Н.Энхтайван Бүгд Найрамдах Куба Улсаас Монгол Улсад суугаа Онц бөгөөд Бүрэн эрхт Элчин сайд Раул Дэлгадо Консепсионыг 2020 оны 7 дугаар сарын 31-нд хүлээн авч уулзав. Элчин сайд Раул Дэлгадо Монгол Улсын Гадаад харилцааны сайдаар томилогдсонд баяр хүргэсэн БНКУ-ын Гадаад хэргийн сайд Бруно Родригес Паррияагийн мэндчилгээг Сайд Н.Энхтайванд уламжлав.
Сайд, Элчин сайд нар Монгол, Кубын уламжлалт найрсаг харилцаа хоёр орны ард түмний элэгсэг дотно нөхөрлөл дээр бэхжин хөгжиж ирснийг тэмдэглээд цаашид хоёр талын хамтын ажиллагааг эдийн засаг, боловсрол, эрүүл мэндийн салбарт түлхүү хөгжүүлэхийн чухлыг онцлон ярилцав.
Элчин сайд Раул Дэлгадо хоёр талын хамтын ажиллагааг өргөжүүлэн хөгжүүлэхэд Сайд Н.Энхтайвантай хамтран ажиллахын төлөө байгаагаа нотолж, кубын тал эрүүл мэнд, биотехнологийн салбарын туршлагаасаа хуваалцахад бэлэн байгаагаа илэрхийлэв. Сайд Н.Энхтайван Ковид-19 цар тахлын эсрэг Куба улсын авч хэрэгжүүлж буй хүч чармайлтыг сайшаан тэмдэглэв. Мөн аялал жуулчлалын салбарт олсон Кубын туршлагаас суралцаж, хамтран ажиллах сонирхолтойгоо илэрхийлэв.
Манай хоёр орны хооронд дипломат харилцаа тогтоосны 60 жилийн ой 2020 онд тохиож байна. Энэхүү түүхт ойг тэмдэглэх хүрээнд талууд Үндэсний цэцэрлэгт хүрээлэнд “Найрамдлын төгөл” байгуулав. Мөн “Mongolia today” сэтгүүлд Монгол, Кубын харилцааны 60 жилд зориулсан тусгай дугаар гаргаж, “Монголын нууц товчоо”-г испани хэл дээр хэвлүүлээд байна.
Өнөөдөр болох үйл явдал: Австрали-Монголын бизнес форум болно
Монгол-Австрийн бизнес форумын талаар мэдээллээ
Ц.Элбэгдоржийг яллагдагчаар татах санал хүргүүллээ
Монголын баячууд улстөрчдөд дарлуулж байхдаа таарсан увайгүй л дээ
С.Зориг амиа алдахын өмнөхөн түүнтэй ресторанд уулзсан хүмүүс ам нээгээд эхэллээ
О.Номинчимэг: "Хангай" зочид буудлын барилгыг нураах, дахин төлөвлөх цаг болсон
Б.Энхбаяр: Нэг хүн 500 саяын захиалга өгч улс төрчийг "social bully" хийсэн. Үнэ өртөг нь нэмэгдсэн байна
И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй
“АРДЧИЛАЛ” ЗАРИМ ХҮНИЙ ХУВИЙН ӨМЧ БИШ. НИЙТ АРД ТҮМНИЙ ҮНЭТ ЗҮЙЛ
НҮБ-ын найм дахь Ерөнхий нарийн бичгийн дарга Бан Ги Мүн Монголд ирлээ