Дорнод аймаг дахь Бүсийн оношилгоо, эмчилгээний төвд зочилж, үйл ажиллагаатай нь танилцлаа

Aдмин / Орон нутаг

Монгол Улсын Ерөнхийлөгч Халтмаагийн Баттулга өнөөдөр Дорнод аймагт ажиллах үеэрээ тус аймаг дахь Бүсийн оношилгоо, эмчилгээний төвөөр зочилж, үйл ажиллагаатай нь танилцлаа.

Дорнод аймаг нь 82 мянган хүн амтай, аймгийн нийт хүн амын 60 гаруй хувь нь үйлчилгээ авах үйлчлүүлэгчдийн тоо өдөрт 800-900 байдаг байна.

94 жилийн түүхтэй бүсийн төв найман алба, 22 тасгийн зохион байгуулалттайгаар 500 ажиллагсадтай үйл ажиллагаагаа явуулж байгаа бөгөөд жилдээ дунджаар амбулаториор 135 мянган удаагийн үзлэг хийж, 12 мянган иргэнийг хэвтүүлэн эмчилж, 11 мянган удаагийн түргэн тусламжийн дуудлагад үйлчилж, 2,300 тохиолдолд мэс засал хийж байгаа талаар эмнэлгийн удирдлага Монгол Улсын Ерөнхийлөгчид танилцууллаа.

Тухайлбал, дурангийн мэс заслын эзлэх хувь жилээс жилд нэмэгдэж, нийт мэс заслын 28 хувийг эзэлж байна. 2,000 эхэд төрөх тойрны тусламж үзүүлж, эх барихын тусламжид эхийн эндэгдэлгүй ажиллаж байгаа нь тус эмнэлгийн онцлох амжилт юм.

2020 оны эхний хагас жилд Хэнтий, Сүхбаатар аймгуудын 5,190 иргэнд амбулаторийн тусламж үйлчилгээ үзүүлсэн нь нийт үйлчлүүлэгчийн 6.5 хувийг, эмнэлэгт 297 хүн хэвтэн эмчлүүлсэн нь 5 хувийг тус тус эзэлж байгаа гэлээ.

Мөн тус төв нь орон нутгийн эмнэлгүүдээс анхдагч болж бүрэн тоноглогдсон хагалгааны вакум өрөө ашиглалтад оруулсан байна. Ингэснээр мэс заслын тусламж үйлчилгээнд шинэ дэвшилтэт технологиудыг нэвтрүүлэн ажиллах боломж нээгдэж мэс заслын дараах нас баралт, хүндрэл 2 дахин бууруулсан амжилттай ажиллаж байна.

Гэвч тус төвийн барилга 1973 онд баригдсан учраас иргэдэд эмнэлгийн тусламж, үйлчилгээг хэвийн хүргэхэд хүндрэлтэй болж эхэлсэн талаар эмнэлгийн удирдлага хэлж байна.

Дараа нь Монгол Улсын Ерөнхийлөгч Халтмаагийн Баттулга “Улаанбаатар төмөр зам” ХНН-ийн Баянтүмэн тасгаар зочилж, үйл ажиллагаатай нь танилцав.

81 жил тасралтгүй тээврийн үйл ажиллагаа явуулж байгаа тус тасгаар дамжин хар тугалга, цайрын баяжмал экспортолж, зүүн бүсийн гурван аймгийн хэрэгцээний нефть, нефтийн бүтээгдэхүүнийг импортолж байна.

Монгол Улсын Ерөнхийлөгчийг Баянтүмэн тасагт ажиллах үеэр “Улаанбаатар төмөр зам” ХНН, “Монголын төмөр зам” ТӨХК-ийн удирдлагууд Баруун-Урт-Чойбалсан чиглэлд баригдах 205 км төмөр замын төслийн бэлтгэл ажлын талаар танилцууллаа.

Монгол Улсын Ерөнхийлөгч Баянтүмэн тасгаас хөдөлж, төмөр замын бүтээн байгуулалтын төсөлд оролцож буй бетон дэр үйлдвэрлэгч “Ган хийц” ХХК-ийн үйлдвэрийн талбайд зочилж, тус компанийн ажилтнуудад ажлын амжилт хүсэв.

Мөн өдөр Монгол Улсын Ерөнхийлөгч Халтмаагийн Баттулга Зэвсэгт хүчний 327 дугаар ангид ажиллаж, ангийн удирдлагатай уулзсан юм.

Монгол Улсын Ерөнхийлөгчийн Дорнод аймаг дахь томилолт үргэлжилж байна.


Сэтгэгдэл

zochin [73.111.180.213] 2020-09-14 17:35:27

lambaa zailaarai

Zochin [64.119.20.100] 2020-09-14 03:16:47

Manai uls ch ezengyi um shig l bdg bolj dee. Erunkhiilugchgyi uls shig l 4 jil ungurch bna daa. Kharin syyliin yed ene tenyygeer yzegdeed ekhlekh chin songuuli dukhsnii dokhio um baikhdaa. Ene khyn odoo bolison n deer dee.

1 [202.131.227.51] 2020-09-14 03:01:27

ламбаа гуай пиджакаа солих болж

zochin [202.179.21.198] 2020-09-14 02:10:39

eronhiilogch bol ajil hideg hun bish harin busdaar ajiliig hiilgedeg

Зочин [122.201.19.99] 2020-09-14 04:21:13

Ene er yanhan banid odoo yngas aldaj bolsoon dahiad pyting duuriaj nasaaraa erunhiilegch boloh gej bnadaa muruudeerei chi

зочин [122.201.19.99] 2020-09-14 01:21:29

Хих ажилгүй Ерөнхийлөгч Ерөнхий Сайд УИХ -дарга нарыг одоо ОГЦОРУУЛах хөдөлгөөн зохион байгуулцгаая

Зочин [103.14.36.6] 2020-09-14 00:18:32

Жүжигчин Бөх


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.