УИХ-ын дарга Г.Занданшатар иргэдийг сонгуульдаа идэвхтэй оролцож, саналаа өгөхийг уриаллаа

Aдмин / Нүүр

Монгол Улсын Их Хурлын дарга Г.Занданшатар өнөөдөр (2020.10.15) 12.00 цагт Аймаг, нийслэл, сум, дүүргийн иргэдийн Төлөөлөгчдийн Хурлын 2020 оны ээлжит сонгуулийн Хан-Уул дүүргийн 29-17-1 дүгээр хэсгийн санал авах байранд очиж, санал өглөө.

УИХ-ын дарга Г.Занданшатар Аймаг, нийслэл, сум, дүүргийн иргэдийн Төлөөлөгчдийн Хурлын сонгууль нь Монгол Улсын Засгийн газрын бодлогыг орон нутагт хэрэгжүүлэх, нөгөө талаар нутгийн өөрөө удирдах ёсны хэрэгжүүлэх чухал ач холбогдолтой сонгууль гэдгийг онцлоод иргэдийг сонгуульдаа идэвхтэй оролцож, саналаа өгөхийг уриалав.

Тус хэсгийн хороонд нийт 1979 сонгогч санал өгөхөөр сонгогчийн нэрсийн жагсаалтад бүртгэгдсэн бөгөөд 12.00 цагийн байдлаар ирц 10 гаруй хувьтай байна. Одоогийн байдлаар ямар нэгэн зөрчил гараагүй гэдгийг тус хэсгийн хорооны нарийн бичгийн дарга Д.Дагинцоо хэллээ. 11:30 цагийн үед 220 сонгогч саналаа өгснөөс эрэгтэй 130, эмэгтэй 90 иргэн саналаа өгчээ. Насны ангиллаар авч үзвэл 18-25 нас-15, 26-40 нас-58, 41-55 нас-101, 56-гаас дээш насныхан 46 иргэн саналаа өгсөн байна.

Сонгуулийн ерөнхий хорооны мэдээллээр улсын хэмжээнд 11.00 цагийн байдлаар 15.2 хувийн ирцтэй байна. Сонгогчийн саналыг 07:00- 20:00 цаг хүртэл хугацаанд санал авах байранд авна гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.


Сэтгэгдэл

Иргэн [139.5.219.203] 2020-10-15 17:20:10

Нэг хүн санал өгсөн ч сонгууль хүчинтэй. Гоё уу. Их хурлын даргаа.

Иргэн [64.119.24.204] 2020-10-15 16:43:37

Улаан луйвар хийгээд байхаар санал өгөх ч хүсэл алга


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.