Цар тахлын мэдээ монголд хэнгэрэг дэлдэх үед мянга мянган сайн санаат иргэд улсдаа хандив өргөсөн. Монгол Улсын гавьяат эдийн засагч Б.Осоржав “Эх орныхоо төлөө” хэмээх сан байгуулж байгаагаа мэдэгдэн, өөрөөсөө 10 сая төгрөг, 10 адуу, алтан бөгжөө хандивлалаа гэж байв. Үүний дараагаар УИХ-ын гишүүн Б.Дэлгэрсайхан 100 сая төгрөг хандивлаж байгаагаа мэдэгдсэн. Түүнчлэн Моннис групп 100 сая төгрөг, БХБЯ-ныхан нэг өдрийн цалингаа улсад хандивласан тухай мэдээлэл нийтэд цацагдсан юм. Бяцхан охин мөнгөний гахайгаа хагалан хүртэл хандив өргөж байлаа. Харин энэ мөнгө чухам юунд зарцуулагдсан нь өнөө хэр нь таг чиг. Тэр дүйвээнээр дээрх мөнгө хэн нэгний халаасанд орчихоогүй байгаа даа гэж асууж сурсан хүн олон байна.

Хүүхдүүд мөнгөний гахайгаа хагалаад хүртэл УОК-д хандив өгсөн. 3 хоногийн өмнөх байдлаар 7,680, 503, 243 төгрөг дотоодын хандивлагч нараас цугласан байна. Үүнээс 1.8 тэрбумыг маск авахад зарцуулсан гэжээ. Маскны бөөний үнэ 250 төгрөг байгаа 7.2 сая маск хаана байна? Эрх баригчид аа. Хүүхдүүд бяцхан зүрхнийхээ хүслийг тэвчин байж өгсөн хандиваар дарга нар өөрсдийгөө шагнасан байсан. Засгийн газар нь алдаагаа иргэн рүүгээ чихчхээд, Энх саран сувилал, энд тэндгүй голомтууд гарч байгааг иргэн Д рүү хариуцлага ярих утгагүй. COVID19 -д зориулж: Дотоодын хандивлагч нарын 7.6 тэрбум төгрөгний тайлангаа тавих хэрэгтэй. Энэ мөнгөөр ямар бодлого хэрэгжүүлэх гэж юунд зарцуулсан бэ У.Хүрэлсүх ээ??? Гадаадын буцалтгүй тусламж хөнгөлттэй зээлийн 562,4 саядоллар. 1,6 их наяд төгрөгөөр юу хийсэн бэ? Ийм их эрх мэдэл, эдийн засгийн боломж байхад яагаад хариуцлага алдав? Энэ их зээл хандивыг салхинд хийсгэчхээд эхний цэг дээрээ дахиад зогсож, зохион байгуулалтгүй ажиллаж байгаа нь өнөөдөр сая сая монголчууд эрсдэлд ороод байна. Энэ бүхний хариултыг өдөр бүр нэхэх болно.