Мэргэжлийн хяналтын байгууллагын цаг үеийн мэдээлэл

Aдмин / Хууль

Бүх нийтийн бэлэн байдлын зэрэгт шилжүүлсэнтэй холбоотойгоор Мэргэжлийн хяналтын байгууллагын нийт 1400 албан хаагч МХЕГ, НМХГ, 21 аймгийн Мэргэжлийн хяналтын газар, Хилийн боомтуудад Шуурхай штаб болон эргүүл хяналт, тандалт хийн ажиллаж байна.

ХАЛДВАРГҮЙТГЭЛ: Өнгөрсөн 24 цагийн (2020.12.04-ний 06:00 цагаас 2020.12.05-ны 06:00 цаг хүртэл) хугацаанд улсын хэмжээнд 173,510 м2 талбайд хийгдсэн урьдчилан сэргийлэх халдваргүйжүүлэлт, 66 объектын 37,525 м2 талбайд хийгдсэн голомтын эцсийн ариутгал халдваргүйтгэлийн үйл ажиллагаанд хяналт тавьж, мэргэжил арга зүйгээр хангаж ажиллав.

Мөн хот хоорондын болон хот доторх нийтийн тээврийн 1149 автомашин, зорчигч үйлчилгээний 10 төвийн эрүүл ахуйн нөхцөлд хяналт тавьсан байна.

ЭРҮҮЛ МЭНДИЙН БАЙГУУЛЛАГЫН БЭЛЭН БАЙДАЛ: Аймаг, нийслэлийн ЭМГ-тай хамтран эрүүл мэндийн байгууллагуудын бэлэн байдлыг хангуулах дэмжлэгт хяналтыг 42 эмнэлэгт хийж, зөвлөмж хүргүүллээ.

ХУД, БГД-ийн өрхийн эрүүл мэндийн 9 төвд хийсэн хяналтаар хамгаалах хувцасгүй, бэлэн байдлын төлөвлөгөөгүй, үйлчлүүлэгчийн биеийн халууныг хэмжсэн бүртгэлийг дутуу хөтөлсөн зөрчил илэрчээ. Өрхийн эрүүл мэндийн төвүүдэд эм, эмнэлгийн хэрэгсэл, хамгаалах хувцас хэрэгсэл, ариутгал халдваргүйжүүлэлтийн бодисийн 10-20 хоногийн нөөцтэй байна.

УНДНЫ УС ХАНГАМЖ, УРЬДЧИЛАН СЭРГИЙЛЭХ БАЙГУУЛАМЖ: Ахуйн болон урьдчилан цэвэрлэх 4 байгууламжийн үйл ажиллагаа, Ундны усны эх үүсвэр, ус түгээх 30 байранд эрүүл ахуйн чиглэлээр хяналт шалгалт хийж дээж авав.

ХОРИО ЦЭЭР, ХЯЗГААРЛАЛТЫН ДЭГЛЭМИЙН ХЭРЭГЖИЛТ: Үйл ажиллагаа нь зогссон аж ахуйн нэгж байгууллагуудад зөрчил илрээгүй, цагийн хязгаарлалт тогтоосон хүнсний дэлгүүр, бөөний төв зэрэг нийт 494 аж ахуйн нэгжийн үйл ажиллагаанд хяналт тавьж илэрч буй зөрчлийг арилгуулах, халдвараас урьдчилан сэргийлэх талаар зөвлөмж өглөө.

ХИЛИЙН БООМТ, ГҮНИЙ ХЯНАЛТ: Улсын хилээр нэвтрэн орсон 671 тээврийн хэрэгсэл, 708 жолооч, хилээр гарсан 669 тээврийн хэрэгсэл, 702 жолоочид хяналт шалгалт хийж, тээврийн хэрэгслийг халдваргүйжүүлэлтэд хамруулан халдвараас сэргийлж ажиллалаа. Жолооч нарт халдварын шинж тэмдэг илрээгүй байна.

Улаанбаатар хотын гүний гаалийн хяналтын бүсэд 40 аж ахуйн нэгжийн 1717.8 тн бодис, бараа, түүхий эд бүтээгдэхүүн хяналт шалгалтад хамрагдаж, 107 тээврийн хэрэгслийн 9682.1 м2 талбайд хийгдсэн халдваргүйжүүлэлтэд хяналт тавив.

АХУЙН БОЛОН АЮУЛТАЙ ХОГ ХАЯГДАЛ: 218 аж ахуйн нэгж байгууллагын ахуйн хог хаягдал цуглуулалт, зайлуулалтад хяналт тавьж, зөвлөмж өглөө.

ШАЛГАН НЭВТРҮҮЛЭХ ТОВЧОО, АГААРЫН ЧАНАРЫН ХЯНАЛТ: Улсын хэмжээнд дотоодын авто тээврийн шалган нэвтрүүлэх хяналтын 261 цэгээр 14,655 тээврийн хэрэгсэл нэвтрэх үеийн халдваргүйтгэлийн үйл ажиллагаанд хяналт тавьж, 29,868 иргэнд зөвлөгөө өгсөн байна. Нийслэлийн Амгалан, Лавай, Драгон авто вокзалаас орон нутаг руу 85 автобусаар 2771 иргэн зорчжээ.

Нийслэлийн шалган нэвтрүүлэх товчоогоор 91 тээврийн хэрэгслээр 3713.42 тн мидлинг, 4 тээврийн хэрэгслээр зохих зөвшөөрөл бүхий 102.6 тн түүхий нүүрс нэвтэрч, 25 тээврийн хэрэгслээр 662.31 тн түүхий нүүрс дамжин өнгөрчээ. Тавантолгой түлш ХХК 2366.4 тн түлш үйлдвэрлэж, 881.5 тн түлш борлуулалтад гаргасан байна. Сайжруулсан шахмал түлш худалдаалах 54 цэгт 340.3 тн түлшний нөөцтэй байна.

Нийслэлд сайжруулсан шахмал түлшний үнийг бууруулсантай холбоотойгоор орон нутаг руу сайжруулсан түлшийг зөөвөрлөх зөрчил гарч байна.

ЛАБОРАТОРИЙН ШИНЖИЛГЭЭ: Нэг төрлийн ариутгалын бодис, 11 төрлийн хоол амтлагч, биеийн тос, 2 төрлийн согтууруулах ундааны дээжийг хими, нян судлал, хор судлал, хүнд металлын лабораторид шинжилгээнд хамруулж байна.


Сэтгэгдэл

иргэн [139.5.219.10] 2020-12-07 03:48:28

ямар ямар хүнсний зүйлд шинжилгээ хийж бгаан. тэнгэр бөөний төвийн урбанек огурцынээс шавьж гарсаныг бзд мххэлтэс мэдэгдсийн болов у.

Зочин [66.181.178.22] 2020-12-05 14:25:08

Өрхийн эмналэгийнариун цэвэр маш хангалтгүй байна. Мөн даатгалтай эм бичүүлэхэд заавал хурууны хээгээр бичнэ гээд хуруу хийх төхөөрөмжөө ариутгахгүй хийлгэж байна. Регистер хурууний хээ 2 бол нэг зүйл шүү дээ

иргэн [202.9.40.92] 2020-12-05 13:30:02

ДАРХАНЫ ХҮНСНИЙ ЗАХАД ХҮНИЙ ЭРҮҮЛ МЭНДЭД НОЦТОЙ НӨЛӨӨЛЖ БОЛОХ МАХ ХҮНСНИЙ БҮТЭЭГДЭХҮҮН ЗАРАГДДДАГ БОЛООД УДАЖ БАЙГАА. ТУХАЙЛБАЛ МИНИЙ БИЕ АЖИЛЛАГСДЫН ХҮНСНИЙ ХАНГАЛТ ХИЙХЭЭР ХУДАЛДАЖ АВСАН ХОНИНЫ СҮҮЛ ТАРИАНЫ БЭРСҮҮТЭЙ НЬ ЦӨӨН БУС ТААРАЛДДАГ,МАЛЫН ДОТОР ЭРХТЭН ЭЛЭГ УУШИГ ӨВЧИЛЖ ИДЭЭЛЖ БУГЛАН БЭРСҮҮТСЭН БАЙСНЫГ БАРИМТЖУУЛЖ ЗУРГИЙГ АВААД ДАРХАНЫ МХГ ЫН ЭРҮҮЛ АХУЙН БАЙЦААГЧИД ҮЗҮҮЛЭХЭД ЕРӨӨС ОЙЛГОХГҮЙ БАЙХ ШИГ САНАГДАХААР НЬ ЭЛЭГ УУШИГ НЬ НИЛ ИДЭЭ БЭЭР БОЛСОН ЦУВДАЙГ БИЕТЭЭР НЬ ӨРӨӨНД НЬ АВААЧИЖ ҮЗҮҮЛЭЭДЧ ЗОХИХ АРГА ХЭМЖЭЭ АВААГҮЙ.ХАРИН ГОМДОЛ ГАРГАГЧ НАДТАЙ Л ГАЙХАМ СОНИН АРГААР ТУЛЖ АЖИЛЛАХ ГЭЭД БАЙСАН ДАА .


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.