Монгол Улсын Ерөнхийлөгч Х.Баттулга зарлиг гаргаж, Монгол Улсын төрийн дээд шагнал, тэргүүн зэргийн “Чингис хаан” одонг сансрын нисэгч Ж.Гүррагчаад хүртээлээ

Aдмин / Нүүр

Монгол Улсад орчин цагийн Зэвсэгт хүчин үүсэж хөгжсөний 100 жилийн ой-Монгол цэргийн өдөр, Монгол хүн сансрын уудамд ниссэний түүхт 40 жилийн ойг тохиолдуулан Монгол Улсын Ерөнхийлөгч Халтмаагийн Баттулга өнөөдөр зарлиг гаргаж, Монгол Улсын төрийн дээд шагнал, тэргүүн зэргийн “Чингис хаан” одонг сансрын нисэгч, хошууч генерал Жүгдэрдэмидийн Гүррагчаад хүртээлээ.

МОНГОЛ УЛСЫН ТӨРИЙН ДЭЭД ШАГНАЛ, ТЭРГҮҮН ЗЭРГИЙН “ЧИНГИС ХААН” ОДОНГООР ШАГНАХ ТУХАЙ МОНГОЛ УЛСЫН ЕРӨНХИЙЛӨГЧИЙН ЗАРЛИГТ:

“Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Ардчилсан хувьсгалын 32 жил, Монгол Улсад орчин цагийн Зэвсэгт хүчин үүсэж хөгжсөний 100 жилийн ой-Монгол цэргийн өдөр, Монгол хүн сансрын уудамд ниссэний түүхт 40 жилийн ойг тохиолдуулан:

Хүн төрөлхтний ирээдүй болсон сансар судлалын салбарыг шинэ түвшинд гаргах, сонирхон судлах үүд хаалгыг нээж, улс орноо сансар судлалын анхдагчдын эгнээнд оруулж, сансарт ниссэн дэлхийн 101 дэх иргэн, Ази тивээс сансарт ниссэн 2 дахь хүн, сансарт иргэнээ нисгэсэн дэлхийн эхний 10 дахь орон болж түүхэнд тэмдэглэгдэн үлдэхэд оруулсан гарамгай гавьяа, монгол хүн бүр эх орноороо бахархах үзлийг залуу хойч үедээ өвлүүлэн үлдээсэн хүндтэй хувь нэмрийг үнэлж, Монгол Улс, Зөвлөлт Холбоот Улсын баатар, Хошууч генерал Жүгдэрдэмидийн Гүррагчааг Монгол Улсын төрийн дээд шагнал, тэргүүн зэргийн одон –“Чингис Хаан” одонгоор шагнасугай” гэжээ.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА “ЧИНГИС ХААН” ОДОНГ ГАРДУУЛАХ ЁСЛОЛЫГ НЭЭЖ ХЭЛСЭН ҮГЭНДЭЭ:

“Монгол Улсын иргэд ээ,

Дэлхий даяар тархан суурьшсан монголчууд аа,

Та бүхэнд Монгол хүн сансарт ниссэн түүхт 40 жилийн ойн мэндийг дэвшүүлье.

Монголчуудын язгуурын дээд шүтээн, сэтгэлгээний гүн бэлгэдэл нь сансар огторгуйн чанад орших мөнх тэнгэр ба замбуутив хэмээх эх дэлхий байжээ.

Сансар огторгуйг танин мэдэх хүн төрөлхтний хүсэл мөрөөдөл нь шинжлэх ухааны гайхамшигт нээлтэд хөтөлж, 60 жилийн тэртээ сансарт анх хүн нисчээ.

Дөчин жилийн өмнө, 1981 оны 3 дугаар сарын энэ өдөр Улаанбаатарын цагаар 22 цаг 40 минутад Монгол Улсын иргэн Жүгдэрдэмидийн Гүррагчаа, Зөвлөлт Холбоот Улсын иргэн Владимир Александрович Жанибеков нарын бүрэлдэхүүнтэй хамтарсан баг “Союз-39” хөлгөөр сансарт хөөрч, 3 дугаар сарын 30-нд 19 цаг 42 минутад эх дэлхийдээ амжилттай газардсан билээ.

НҮБ-ын гишүүн 194 улсаас 36 нь сансарт хүн нисгэсэн байдаг бөгөөд Монгол Улс сансарт иргэнээ нисгэсэн дэлхийн 10 дахь улс, сансрын нисэгч Жүгдэрдэмидийн Гүррагчаа сансарт ниссэн Ази тивийн 2 дахь хүн болсон түүхтэй.

Хамтарсан нислэгийн үеэр эмнэлэг, биологи, физик технологи, зайнаас тандан судлах зэрэг үндсэн 3 чиглэлээр 25 нэр бүхий, 36 эрдэм шинжилгээний туршилт судалгаа хийж байсан нь Монгол Улсад сансар судлал хөгжих эхийг тавьжээ.

БНМАУ-ын Баатар, ЗХУ-ын Баатар, сансрын нисэгч, хошууч генерал Жүгдэрдэмидийн Гүррагчаа бол Монгол түмний төдийгүй хүн төрөлхтний бахархал мөн.

Монгол хүн сансарт ниссэний 40 жилийн ойн энэ өдөр, Монголын алдар сууг дэлхий дахинаа алдаршуулж, эх оронч үзэл, үндэсний бахархлыг бадраасан гавьяаг тань үнэлж, Монгол Улсын төрийн дээд шагнал-тэргүүн зэргийн одон “ЧИНГИС ХААН” одонгоор шагнаж байна.

Танд урт нас, удаан жаргал, эрүүл энх, сайн сайхан бүхнийг ерөөе.

Монголчууд аа,

Монгол Улс хөгжин мандахын үндэс нь эвийн сэтгэл нэгдэж, эх орноо хөгжүүлэх иргэн бүрийн хичээл зүтгэл болохыг санагтун, хичээгтүн.

Монгол түмний шүтээн, Дээр тэнгэрээс заяат төрсөн Их Эзэн Чингис хааны үндэслэн байгуулсан Монгол төрийн маань сүлд хийморь биднийг ашид мөнх ивээх болтугай!

Мөнх тэнгэр биднийг ивээх болтугай!” гэлээ.

МОНГОЛ УЛСЫН ТӨРИЙН ДЭЭД ШАГНАЛ, ТЭРГҮҮН ЗЭРГИЙН “ЧИНГИС ХААН” ОДОНТ САНСРЫН НИСЭГЧ, ХОШУУЧ ГЕНЕРАЛ Ж.ГҮРРАГЧАА ХЭЛЭХДЭЭ:

“Монгол Улсын эрхэм хүндэт Ерөнхийлөгч өө,

Монгол төрийн эрхэм дээд шагналаар шагнагдсандаа би туйлын баяртай байна. БНМАУ, ЗХУ-ын сансрын хамтарсан нислэгийн 40 жилийн ой энэ өдөр тохиож байна.

Сансрын хамтарсан нислэг бол олон хүний хөдөлмөр, бүтээл шингэсэн үйл ажиллагаа болсон юм. Сансрын хамтарсан нислэгийн бэлтгэл ажилд оролцсон Монгол Улсын байгууллага, хамт олон, шинжлэх ухааны байгууллагууд, эрдэмтэн, судлаачид олон бий.

Энэ бүх үйл явдлын хамгийн дээд цэг нь болсон сансрын хамтарсан нислэгт биеэр оролцсон намайг өндрөөр үнэлж буй нь тухайн ажилд оролцсон бүх хүнийг үнэлсэн үнэлгээ гэж би хувьдаа бодож байна.

Би монголчуудын болон төрийнхөө буян хишгийг олон хүртлээ. Буян хишгээ үргэлж хайрлаж байдаг Монголынхоо ард түмэнд дахин талархал илэрхийлье.

Эрхэм хүндэт Ерөнхийлөгч танд гүн талархал дахин илэрхийлье. Баярлалаа” гэлээ.

Монгол Улсын төрийн дээд шагнал, тэргүүн зэргийн “Чингис хаан” одон гардуулах ёслол, хүндэтгэлийн үйл ажиллагааг Улсын Онцгой комиссоос гаргасан холбогдох дүрэм, журмын хүрээнд зохион байгууллаа.


Сэтгэгдэл

ZAP [202.9.40.50] 2021-05-05 13:28:20

ZAP [202.9.40.50] 2021-05-05 13:28:20

Иргэн [64.119.27.19] 2021-03-29 15:10:00

Сансарын баатар Танд баяр хүргэе. Аз жаргалтай урт удаан наслахыг ерөөе. Шагнал зөв бөгөөд нүдээ олжээ.

Зочин [192.82.90.67] 2021-03-27 19:53:49

Социалист орнууд мандаж байна гэж ший жүжгийг ЗХУ бодлогоор тавьсан. Монголоос хүн бэлтгэд нисгэсэн, тэр хүн нь сансрын хөлгийн удирдлага дээр ажиллаж үзээгүй, яг л жуулчин ниссээр байгаад буусан. Зүгээр л утсан хүүхэлдэй байсан. Эцсийн эцэст сансрын технологи хөгжүүлэх дээр ямар ч ажил хийж үзээгүй, ядаж хоол хүнсийг нь бэлтгэж үзээгүй байж 40 жилийн турш ийм юм ярьж таахалзаж сууна гэдэг сэтгэцийн эмгэг шиг санагдахгүй байна уу? Энэ жил бас сүр бадруулж яриад л, замын хоёр талаар 2 орны төрийн талбаа ч байх шиг. Орос гэдэг машины тархи угаалт үргэжлилсээр. Ийм янзаар Монгол хүн сансарт ниссэний 100 жилийн ой болсон ч бид яг хэвээрээ. Пуужин биш ганц ган хутга ч урлаж чадахгүй, орос ах нараасаа гөл авсаар яг л хэвэээрээ хөөрхий. Монгол хүн сансарт нисээд юу өөрчлөгдөв? Ганц л өөрчлөлт гарсан. Од, сар, нар, тэнгэр гэдэг нэртэй хүний тоо л өссөн. Өөр юу ч өөрчлөгдөөгүй. Дүүрэн Одгэрэл, Одсар, Однаран, Сансар... үхсэн бааааас

Зочин [202.9.46.165] 2021-03-23 11:43:56

Bayar hurgeje !

Зочин [202.9.40.172] 2021-03-23 11:33:09

Сайхан монгол дээл өмсчихгүй дээ баатар минь. Гээд яаахав маш зөв шагнал бн. Баяр хүргийййййй.

Зочин [103.229.120.215] 2021-03-23 11:05:12

Баяр хүргэе.

Зочин [43.228.131.77] 2021-03-23 10:19:40

зөв хүнийг шагнасан бна Гүррагчаа баатартаа баяр хүргье

иргэн [66.181.161.41] 2021-03-22 20:48:23

МОНГОЛЫН АНХНЫ САНСРЫН НИСЭГЧ ТАНД БАЯР ХҮРГЭЖ САЙН САЙХНЫГ ХҮСЭН ЕРӨӨЕ.

o [202.9.47.20] 2021-03-22 18:56:15

zuv hunee shagnalaa

Зочин [202.179.21.225] 2021-03-23 09:32:34

harin tiim. Sudalgaany ur dung odoo ch ashiglaj bgaa gesen.

Зочин [202.126.89.120] 2021-03-22 18:36:44

Зөв өдөр зөв хүнээ шагнажээ төр маань

Зочин [150.129.141.135] 2021-03-22 18:31:43

Жэнко мэдрэмжтэй л дээ муу юмандаа аргагүй сайн энэ толгойг зөв юманд ашигласан бол монгол ингэж явахгүй

Зочин [202.9.40.9] 2021-03-22 21:39:58

Бүхнийг харлуулагч зүс нь хар зүрх нь хар нөхөд их байх юмдаа

Аагий [202.126.89.104] 2021-03-22 18:17:14

Ардын намд энэ хүнийг шагнана гээд хэлчихгүй дэ..тэд өьчин зовлогийн үед ард түмэнээ доромжилж байна ...гээдл сэвээд бсан ...одоо тэд баяр хүргьё гээд нөгөө оруулаад бсан постоо устагчихаж.....зүгээр тэд нарт танай намын мундаг хүнд шагнал гардуулна гээд хэлчихгүй зүгээр

Баяр хүргэе! Бидний бахархал. [202.131.225.53] 2021-03-22 17:56:58

Гүррагчаа-гуай даа чин сэтгэлийн баяр хүргэе. Та бол НИЙТ монголчуудын бахархал шүү.

Зочин [202.21.108.194] 2021-03-22 17:52:24

баяр хүргэe


17 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
17 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.