Б.Ууганбат: Харшил болон архаг суурь өвчтэй иргэдийг нарийн мэргэжлийн эмчийн хяналтад дархлаажуулна

Aдмин / Эрүүл мэнд

Нийслэлийн лавлагаа, мэдээллийн 1800-1200 тусгай дугаар нь иргэдэд мэдээ, мэдээллийг 24 цагийн турш тасралтгүй өгч, шуурхай үйлчилгээ үзүүлэн ажиллаж байна. Тавдугаар сарын 6-13-ны хооронд тус дугаарт иргэдээс нийт 2287 дуудлага ирснээс 2119 буюу 92.6 хувьд нь амжилттай үйлчилж ажиллалаа. Үүнээс НОК-ын шийдвэр, үйл ажиллагаатай холбоотой дуудлага 988 буюу 46.6 хувийг эзэлж байна. Нийт дуудлагын хүлээлгийн дундаж хугацаа 11 секунд, иргэнтэй ярьсан дундаж хугацаа 1.37 минут байна. Мөн дээрх хугацаанд “Нийслэлийн мэдээ” фэйсбүүк хуудасны чатботод 285 иргэн хандаж автомат хариулагчаас болон оператор ажилтнаас мэдээлэл авлаа.

Коронавирусийн халдварын эсрэг дархлаажуулалтад нийслэлийн хэмжээнд нийт 953.058 иргэнийг хамруулахаар төлөвлөсөн. Вакцинжуулалт эхэлснээс хойш дүгээр I тунд 898090 /94.2%/, II тунд 493376 /51.8%/ иргэнийг дархлаажуулаад байна. Дархлаажуулалтын явуулын болон суурин цэгийн байршлыг 1800-1200 тусгай дугаарын утас, “Нийслэлийн мэдээ” фэйсбүүк хуудас болон фэйсбүүк хуудасны чатботоос авах боломжтой.

Иргэдээс 1800-1200 тусгай дугаарт түгээмэл ирж байгаа асуултад Нийслэлийн Үйлчилгээний нэгдсэн төвийн дарга Б.Ууганбат хариулт өглөө.

-Вакцинд хамрагдсан иргэд хөдөө, орон нутагт зорчиход PCR шинжилгээ өгсөн байх шаардлагатай юу?

-Зайлшгүй шалтгаанаар /эмнэлгийн яаралтай тусламж авах, буяны ажилд оролцох/ орон нутагт зорчих иргэд, мөн тухайн орон нутагт байнгын оршин суугч иргэд орон нутагтаа харих бол очих аймгийнхаа Онцгой комиссоос заавал зөвшөөрөл авсны үндсэн дээр зорчино. Вакцины бүрэн тунд хамрагдсан иргэдийн хувьд вакцинд хамрагдсан гэрчилгээ /вакцинд хамрагдсанаас хойш 14 хоногийн дараа/ шаардагдах бол сүүлийн дөрвөн сарын дотор өвдөөд эдгэсэн хүмүүс тухайн хэвтэж эмчлүүлсэн дүүргийн эрүүл мэндийн байгууллагаас магадалгаа бичиг авах юм.

-Вакцинд хамрагдаагүй иргэд хөдөө, орон нутаг явахад ямар бичиг баримт шаардлагатай вэ?

-Хүндэтгэн үзэх шалтгаанаар вакцинд хамрагдаагүй, хамрагдах боломжгүй иргэдийн хувьд орон нутгийн Онцгой комиссоос зөвшөөрөл авч, PCR шинжилгээний 72 цагийн хугацаатай хариутайгаар зорчино. Шинжилгээнд хамрагдаж сөрөг хариу гарсан зорчигчийн хамт зорчиж байгаа өөрийн гэр бүлийн хүүхэд /0-15 нас/-ээс шинжилгээний хариу шаардахгүй.

-Коронавируст халдвараар өвчлөөд эдгэсэн бол дархлаажуулалтад хамрагдах шаардлагатай юу?

-Шаардлагатай. Коронавируст халдварын эсрэг вакцинд хамрагдаагүй болон уг халдвараар өвчилсөн иргэд I, II тунгийн вакциндаа хамрагдах хэрэгтэй.

-I тунгаа хийлгээд өвчилсөн тохиолдолд хэдий хугацааны дараа вакцин хийлгэх вэ?

-Коронавирус халдварын эсрэг вакцины I тун хийлгээд уг халдвараар өвчилсөн хүнийг батлагдсан өдрөөс хойш 21 хоногийн дараа II тунгийн вакцинаар дархлаажуулна. I, II тунгаа хийлгээд өвчилсөн иргэдэд нэмэлт дархлаажуулалт хийхгүй.

-Эрүүл мэндийн шалтгаантай иргэд дархлаажуулалтад хамрагдах боломжтой юу?

-Нийслэлийн хэмжээнд “Ковид-19” халдварын эсрэг вакцинжуулалтыг зохион байгуулах хөтөлбөрийн хүрээнд харшил болон архаг суурь өвчтэй иргэдийг нарийн мэргэжлийн эмч нарын хяналтад дархлаажуулахаар болсон. Нийслэлийн Эрүүл мэндийн газраас тодорхой шалтгааны улмаас дархлаажуулалтад хамрагдаагүй иргэдийн судалгааг Улсын нэгдүгээр төв эмнэлэг, Улсын хоёрдугаар төв эмнэлэг, Улсын гуравдугаар төв эмнэлгүүдэд хүргүүлсэн бөгөөд дүүргийн Эрүүл мэндийн төвүүд хамтран ажиллаж байна.

-Эрүүл мэндийн шалтгаантай иргэд дархлаажуулалтад хаана хамрагдах боломжтой вэ?

-Сүхбаатар, Хан-Уул, Багануур дүүргийн иргэд Улсын нэгдүгээр төв эмнэлэгт, Чингэлтэй, Баянзүрх, Налайх дүүргийн иргэд Улсын хоёрдугаар төв эмнэлэгт, Баянгол, Сонгинохайрхан, Багахангай дүүргийн иргэд Улсын гуравдугаар төв эмнэлэгт нарийн мэргэжлийн эмчийн үзлэгт хамрагдаж, 09:00-19:00 цагийн хооронд дархлаажуулалтдаа хамрагдах юм.

-Спутник V вакцинд ямар бүлгийн иргэд хамрагдаж байгаа вэ?

-Спутник V вакцин нь 0-60 хүртэл насныханд 91.6, 60-с дээш насныханд 91.8 хувийн үр дүн үзүүлж байгаа. Иймээс 65-аас дээш насны 20.000 иргэдийг эхний ээлжинд өрхийн эрүүл мэндийн төвөөс холбогдож, I тунд хамруулж байгаа. Тавдугаар сарын 21-нээс II тунг хийж эхэлнэ.


Сэтгэгдэл

Ковид тусаад эдгэсэн хүмүүсээ архаг суурь өвчтэйд тооц наад хүмүүс чинь хэзээ ч үхэж магадгүй байхад [64.119.25.158] 2021-05-17 01:51:56

Тусаад эдгэсэн хүмүүсээс 8 саяын авцан бол болоо гэсэн шиг байхын тэр хүмүүс хүнд туссан бол архаг суурь өвчтэй болж хоцорсон эдгэсэн гэж байгаа ч зовиур нь арилахгүй хэзээ үхэхээ мэдэхгүй байж байна юун 2 тун вакцин нэмж алахнуу хөнгөн туссан байсанч хөнгөн тусдаг хүн вакцинаар яахын

Зочин [66.181.161.30] 2021-05-14 10:43:01

Xarshiltai 2 xuuxed min verosell wakcin 2 tung xiilgesen, odo negniix n xol gar owdod xetsuu bn. Ugn owddoggui bsan yum. Xiilge gj uxuulsaar bgad xiilgeched odo bolxor emchiin xyanaltand orod xiilgene ch gex shg. Yamarch xamaagui wakcin xiilge, oldsoniign xiilge gd uxuulad bsan bizd.

Зочин [192.82.82.147] 2021-05-14 06:15:48

би мөрөөрөө үхмээр байх юм заавал албаар хийж дарамтлаад байгааг ойлгохгүй бна

Зочин [103.26.193.39] 2021-05-14 05:45:12

tiim uvchtei zunduu humuus virusel hiilgeed ungursun.dandaa ungursun hoino n shiidver gargah ym.helj yrih uzuulj medeelel avah hun gej er oldohgui l b.san.uvchin sedreegui bol bolno geed l b.san.hiilgeed darhlaa togtson esehiig buu med.medeelsneer faizer hiih ym bn gej bodoj baital hiih gazar oldohgui l b.san da

Зочин [66.181.169.162] 2021-05-14 03:23:34

Хүмүүсийг нийтээр вакцинд хамруулах бол УИХ аас тогтоол гарах ёстой гээд байгаа шүү. Эрсдэл учрахад эргээд хариуцах газаргүй л байгаад бна. ЗГ хумсаа нуусан муур шиг байгаад бна. ЭМЯ яагаад бүх нийтийг хамруул гэсэн шийдвэр гараагүй байхад хүчээр бүр мөнгөөр барьцаалж хийгээд байгааг ойлгохгүй бна. Ядуу ард түмнээ арай л дээрэлхээд бна уу

Зочин [202.9.46.201] 2021-05-14 02:43:10

Засгийн газар эрүүл мэндийн яам улсын онцгой комисс зөвхөн иргэдээ вакцинжуулах үүрэгтэй. Харин иргэд өөрсдөө вакциндаа маш идэвхтэй хамрагдаж, нэг болон хоёр дахь тунгаа хийлгэсэн ч маскаа тогтмол байнга зүүж, олон хүн бөөгнөрсөн цугларсан газар очихгүй, олон хүн бөөгнөрч цугларсан газраас өөрийгөө тусгаарлаж, хувийн ариун цэвэр сахилга батаа сахиж явах үүрэгтэй. Халдварын тархалтгүй ковидгүй улс болох эсэх нь зөвхөн иргэдийн хариуцлага сахилга ариун цэвэрч байдлаас 100% хамаарна.


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.