УУХҮ-ийн сайд Г.Ёндон: Шатахууны үнийг тогтвортой байлгах, нөөцийг нэмэгдүүлэхийн төлөө ажиллаж байна

Aдмин / Хууль

Шатахууны үнийн асуудлаар өнөөдөр Төрийн ордонд уулзалт болж Уул уурхай, хүнд үйлдвэрийн сайд Г.Ёндон, АМГТГ-ын дарга Х.Хэрлэн нарын албаны хүмүүс мөн Петровис, Петрожамп, Тодпетролиум, МТ, Шунхлай зэрэг нефть импортлогч компанийн удирдлага оролцож, хэвлэл мэдээллийнхэн сонирхсон асуултдаа хариулт авлаа.


2020 оны дөрөвдүгээр сард 19.5 ам.долларт хүрч байсан газрын тосны үнэ он гарсаар тасралтгүй өсөж өнөөдөр 73 ам.долларт хүрч, 3.5 дахин өссөн. Дэлхийн зах зээлийн энэ өсөлт манай улсад нийлүүлэгддэг шатахууны хилийн үнэд нөлөөлж өнгөрөгч оны тавдугаар сард АИ-92 авто бензиний үнэ 202 доллар байсан бол энэ оны 8 сарын хил үнэ 733 доллар болж 262 хувиар өсөөд байна. Засгийн газраас цар тахлын хүнд үед бензиний үнийн өсөлтийг иргэдийн нуруунд үүрүүлэхгүйн тулд аж ахуйн нэгжүүдтэй зөвшилцөж, АИ-92 авто бензиний онцгой албан татварыг одоог хүртэл тэглэсэн хэвээр байна гэж УУХҮ-ийн сайд Г.Ёндон хэллээ.
Өнгөрсөн онд санхүүгийн үүсмэл хэрэгсэл ашиглан олон улсын компанитай тогтвортой байдлыг хангах гэрээ байгуулж ажилласны үр дүнд бид үнийн өсөлттэй энэ жил гаруй хугацаанд үнэ хямд шатахуун хэрэглэсэн. Цар тахлын үе, аж ахуйн нэгжүүдийн үйл ажиллагаа тасалдсан, иргэдийн орлого буурсан үед, иргэдийн 60 хүртэлх хувийг вакцинжуулж, эдийн засгийн идэвхжил нэмэгдэх хүртэл өргөн хэрэглээний АИ-92 авто бензиний үнийг өсгөхгүй байх зөвшилцөлд хүрч энэ оны долдугаар сар хүртэл шатахууны үнэд өөрчлөлт оруулаагүйг уулзалтад оролцогчид хэлж байлаа.


Манай улс одоогоор шатахууны 30 хоногийн нөөцтэй. ОХУ-ын Эрчим хүчний яамнаас АИ-95, АИ-98 авто бензинийг ирэх сард нийлүүлэхгүй гэж мэдэгдсэн учир тухайн төрлийн бензиний хомсдол үүсгэхгүй, нөөцийг хэвийн хэмжээнд байлгахын тулд БНХАУ-ын “China oil” компанитай хэлэлцээр хийж, АИ-95, АИ-98 бензин авахаар болсон байна. БНХАУ-аас импортлох АИ-95, АИ-98 авто бензиний үнийн хувьд зөрүү гарахгүй, чанарын хувьд олон улсын стандартын шаардлага хангасан бүтээгдэхүүн байна.
Манай улсын урд, хойд хөршийн иргэд нэг литр бензинийг 2-3 мянган төгрөгтэй дүйх үнээр худалдан авч байна. Өмнөд хөршид гэхэд он гарснаас хойш шатахууны жижиглэнгийн үнэ 12 удаа нэмэгджээ.

Монгол Улс жилд 1.5 сая тонн газрын тос боловсруулах хүчин чадал бүхий үйлдвэрийг 2024 онд ашиглалтад оруулснаар дотоодын газрын тос хэрэглээний 55-60 хувийг хангана. Одоогийн байдлаар технологийн бус барилга байгууламжийн барилга-угсралтын ажил эхэлсэн байна.

Монгол Улсын Ерөнхий сайд Л.Оюун-Эрдэнээс өгсөн чиглэлийн дагуу УУХҮЯ, Сангийн яам хамтран Газрын тосны үйлдвэр баригдтал шатахууны үнийг тогтвортой байлгах төлөвлөгөөг Засгийн газрын хуралдаанд танилцуулна. Шатахууны нөөцийг нэмэгдүүлэхийн төлөө ажиллана гэж УУХҮ-ийн сайд Г.Ёндон онцолж байлаа.


Сэтгэгдэл

ЗОЧИН [59.153.86.17] 2021-08-05 23:49:33

ИМПОРТЛОГЧ НАРТАЙ АВИЛГААР ХУЙВАЛДАЖ ҮНЭЭ 45% НЭМЛЭЭ, ЗАЙЛААД ӨГӨӨӨЧЭЭЭЭ ХОГОО, ТЭР ГАЗРЫН ТОСНЫ ДАРГА ГЭХ АВИЛГАЧ, ХУЛГАЙЧТАЙГАА ХАМТ ЗАЙЛ, ЭКСПОРТЫН НЕФТИЙН ҮНЭ 3.6 ДАХИН, БЕНЗИНИЙ ҮНЭ 2.62 ДАХРИН ӨССӨН ГЭДЭГ ХУДЛАА, 1 ЖААХАН ГАРУЙ Л ӨССӨН БН БИЛЭЭ, ИНГЭЖ ХУДЛАА ЯРЬЖ ЭЗ-ИЙН ХҮНДРЭЛИЙН АЧААГ АРД ТҮМНИЙ НУРУУНД ҮҮРҮҮЛЖ, ӨӨРСДӨӨ ХУЛГАЙ,ЛУЙВАР, АВИЛГАА ӨРГӨЖҮҮЛЭХ Л АРГА Ш ДЭЭ, СОНГУУЛИУД ДУУССАН, ОДОО ҮНЭ БИДЭНД ХАМААГҮЙ ГЭХТЭЙ АДИЛ СОНСОГДОЖ БН, ЗАЙЛ ХОГОООО

Zocnin [202.126.90.157] 2021-08-03 13:29:54

Дотоод бензин үйлдвэрээ хурдан барьж зуун хувь хангаач

mongol [202.126.89.139] 2021-08-03 12:09:57

Уул нь ажлыг хүндрэхээс нь урьтаж арга хэмжээ авдаг юм ш дэ? Эзэнгүй төр.....

Зочин [103.80.210.183] 2021-08-03 07:32:46

яах ёстой бэ бултаараа хэлэлцээд энэ хулгайчуулаа зайлуулаад боол болгоё

Иргэн [66.181.161.98] 2021-08-03 06:02:47

Тэгээд үнийг өсгөж нөөцгүй болгохын төлөө ажиллах ёстой юм уу энэ мал .Нүдэн дээр иргэдий амьдрал хүндэрч байхад сонгуульдаа ялах гээд бүгдийг барж дуусгаад одоо хамаагүй болсон уу ?Хулхи зугтдаг хурандаа нэртэй хулгачдыэ багийг сонгосон ард олон бодооч .МАН мафи та бүхэнд үнэн нүүрээ харуулж байна


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.