Л.Энх-Амгалан: Халдварын тоо буурвал танхимын хичээлийг нэмэгдүүлнэ

Aдмин / Боловсрол

Цар тахлын халдварын тархалтын нөхцөл байдлаас хамаарч хичээлийг энэ сарын 1-нээс эхлэн 5/9 зарчим буюу танхимын болон танхимын бус хосолсон хэлбэрээр зохион байгуулж байна.
Зохион байгуулалт, хичээлийн явцын талаар БШУ-ны сайд Л.Энх-Амгалан, БШУЯ-ны Бага, дунд боловсролын газрын дарга Т.Ням-Очир, нийслэлийн Боловсролын газрын дарга Ж.Гантулга нар мэдээлэл хийлээ.
9 ДҮГЭЭР САРЫН 3-НИЙ ӨДРИЙН БАЙДЛААР:
Нийт ерөнхий боловсролын 258 сургуулийн 4588 бүлгийн 97,849 сурагч танхимаар хичээллэсэн. Танхимын болон танхимын бус хосолсон хэлбэрээр ерөнхий боловсролын 505 сургуулийн 16,762 бүлгийн 514,364 сурагч хичээллэж байна.
Халдварын тохиолдол илэрсний улмаас 100 сургуулийн 1133 бүлгийн 29023 сурагч цахим хэлбэрт шилжсэн. Үүнээс 10 сургууль, 90 бүлэг, 3736 суралцагч нь Улаанбаатар хотод байна.
Танхимын бусаар буюу зайн хэлбэрээр 100 хувь суралцах хүсэлт гаргасан 330 сургуулийн 28803 суралцагч байна. Эдгээрийн 68,9%-ийг Улаанбаатар хот болон аймгийн төвийн сургуулийн суралцагчид эзэлж байгаа юм.
9 ДҮГЭЭР САРЫН 10-НЫ ӨДРИЙН БАЙДЛААР:
Нийт ерөнхий боловсролын 205 сургуулийн 4150 бүлгийн 86,000 сурагч танхимаар хичээллэж байна. Танхимын, танхимын бус хосолсон хэлбэрээр ерөнхий боловсролын 552 сургуулийн 17240 бүлгийн 519,179 сурагч хичээллэж байна.
Халдварын тохиолдол илэрсний улмаас 245 сургуулийн 1592 бүлгийн 43351 сурагч цахим хэлбэрт шилжсэн. Үүнээс 64 сургууль, 322 бүлэг, 13240 суралцагч нь Улаанбаатар хотод байна.
Танхимын бусаар буюу зайн хэлбэрээр 100 хувь суралцах хүсэлт гаргасан 330 сургуулийн 32836 суралцагч байна. Эдгээрийн 57,1%-ийг Улаанбаатар хот болон аймгийн төвийн сургуулийн суралцагчид эзэлж байгаа юм.
МОНГОЛ УЛСАД 0-17 НАСНЫ ХҮҮХДИЙН ДУНД БҮРТГЭГДСЭН КОРОНАВИРУСТ ХАЛДВАРЫН ТООН МЭДЭЭЛЭЛ:
9 дүгээр сарын 1-ний өдрийн байдлаар коронавируст халдвараар өвчилсөн 0-18 хүртэлх насны 43,135 хүүхэд байгаа нь нийт 217,741 тохиолдлын 19,8%-ийг эзэлж байна.
9 дүгээр сарын 12-ны өдрийн байдлаар коронавируст халдвараар 0-17 насны 696 шинэ тохиолдол бүртгэгдэж, нийт 51,843 тохиолдол бүртгэгдсэн. Энэ нь нийт тохиолдлын 19,5%-ийг эзэлж байна. Тоон мэдээллээс харахад хичээлийн үйл ажиллагаа танхим, танхимын бус хэлбэрээр эхэлснээс хойш халдварын тохиолдол нэмэгдээгүй байна.
Улсын хэмжээнд "Ковид-19"-ийн эсрэг вакцины хамрагдалтыг авч үзвэл 12-15 насны хүүхдийн 89 хувь нь нэгдүгээр тунд, 76 хувь нь хоёрдугаар тундаа хамрагджээ.
2021 оны 35 дугаар долоо хоногт нийт 11,212 ойрын хавьтал тогтоогдсоноос 8673 буюу 77,4 хувь нь гэр бүлийн орчноос халдвар авч байна. Хүүхдүүд сургуулийн орчноос илүүтэй гэр бүлийн орчноос халдвар авч байгаа нь дээрх судалгаанаас харагдаж байна. Иймд халдварын тоо буурвал танхимын хичээлийг нэмэгдүүлнэ гэдгийг БШУ-ны сайд Л.Энх-Амгалан мэдэгдлээ.
Эх сурвалж: БШУЯ


Сэтгэгдэл

Зочин [192.82.75.212] 2021-09-14 18:20:16

Халдвар буурахгүй ш дээ Энх-Амгалаан? Буурвал ч гэх шиг мэргэ төлөг шиг юм ярихаа болиоч ээ. Халдвар өснө гэдэг нь аль хэдийнээс л олйгомжтой байсан ш дээ. Одоо хүүхэд бүр өвдөх гэдэг стратеги барьвал яг зохино. Өөр ямар ч хувилбар харагдахгүй байна даа хө.

Зочин [64.119.22.1] 2021-09-15 11:47:15

Сургуулиудаар халдвар тараавал шууд огцроорой

g [202.9.46.238] 2021-09-14 17:50:26

yun buurah, mash ih nas barj bna sh tee

Зочин [103.57.95.24] 2021-09-14 17:41:38

Одоо ковид дийлдэхгүй ээ

Зочин [202.126.90.73] 2021-09-14 13:10:07

tsahimaar bugdiig oruul odoo bol uneheer kovidiin baidal yysej baina

УЖЭНГШҮЗКЪ [103.14.37.4] 2021-09-14 11:34:10

ЦАХИМ БОЛГООД ЗАЙЛЖ ҮЗЭЭРЭЙ ӨӨР ЮМ АЛГА ДАА БУРУУГ БУСАД РУУ ТОХОХОО БОЛЖ ҮЗ ҮНЭН ДЭЭ СУРГУУЛЬ ОРСНООС БОЛЖ ХҮҮХДИЙН ӨВЧЛӨЛ ИХЭССЭН ШҮҮ ДЭЭ

Зочин [103.80.210.183] 2021-09-14 15:34:14

яг зөв өө. анхнаасаа хичээлийг цахимаар л байлгах байлаа даа.

zochin [124.158.77.41] 2021-09-14 09:46:29

АЖИЛАА МЭДЭХГҮЙ ХЭДЭН НӨХДҮҮДИЙН ХУДЛАА МЭДЭЭЛЭЛИЙН ДАГУУ ЯРЬЖ БАЙХААР САЙД НЬ БОДИТ БАЙДАЛ ДЭЭР 2-3 СУРГУУЛЬД ГАЗАР ДЭЭР НЬ ОЧООД ҮЗСЭН НЬ ДЭЭР БАЙСАН ЮМ ШҮҮ .БОДИТ БАЙДАЛ АРД ТҮМИЙ ДОТОР ӨӨР БАЙНА. ХҮМҮҮС ӨВДӨӨД НАС БАРАЛТ НЭМЭГДЭЭД ,ОР ОЛДОХГҮЙ ДЭЭР НЬ ӨРХИЙН ЭМНЭЛЭГ ХҮНЭЭ ҮЗЭЖ ДИЙЛЭХГҮЙ БҮҮР УТСАА Ч АВАХГҮЙ.ЭМ НЬ ҮНЭТЭЙ . ХЭЦҮҮ БАЙХАД ИЙМ ЮМ ЯРИХ ЧИНЬ ХАРИН АРД ТҮМНИЙ УУР ХИЛЭНГ БАДРААХААР БАЙНА. БАГА НАСНЫ ХҮҮДҮҮДИЙГ ЦАХИМ БОЛГОВОЛ ЯДАЖ Л ӨВЧЛӨЛ БУУРЧ ААВ ЭЭЖҮҮД АЖИЛАА ТАЙВАН ХИЙХ ЮМ ДАА ТОМ ХҮҮХДҮҮД Ч ЯАХАВ ВАКЦИН ТАРИУЛСАН ТУЛ ХИЧЭЭЛЛЭЭД БАЙХАД БОЛОХ АСУУДАЛ

Зочин [103.80.210.183] 2021-09-14 09:36:19

хуцаад байлгүй цахим болгоод өөрөө зайлж үз.


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.