Бага насны хүүхдийг тээврийн хэрэгсэлд авч явахдаа зориулалтын суудалд хэрэглэхийг зөвлөлөө

Aдмин / Хууль

Өнгөрсөн амралтын өдрүүдэд буюу энэ сарын 8, 9-нд Тээврийн цагдаагийн албаны жижүүрийн шуурхай удирдлагын хэлтэс нийт 589 дуудлага хүлээн авснаас зам тээврийн ослын шинжтэй 479 мэдээлэл хүлээн авч шийдвэрлэж ажиллажээ.

Бүртгэгдсэн зам тээврийн ослын улмаас нийслэлд 7, орон нутагт 5, нийт 12 хүн гэмтэж бэртсэнээс гадна ноцтой зам тээврийн ослын улмаас нийслэлд 1, орон нутагт 1 иргэн нас барсан байна.

Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийслэлд 119, орон нутагт 76, нийт 195 зөрчил бүртгэгдсэнийг илрүүлж, учирч болох эрсдэлээс урьдчилан сэргийлэн ажиллажээ

Амралтын өдрүүдэд согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчлийн илрүүлэлтийг өмнөх 7 хоногийн амралтын өдрүүдийн нөхцөл байдалтай харьцуулахад 16 хувиар өссөн байна.

Иймд архи согтууруулах ундааны төрлийн зүйл хэрэглэсэн бол тээврийн хэрэгсэл жолоодохгүй байхыг цагдаагийн байгууллагаа анхааруулж байна. Түүнчлэн бага насны хүүхдийг тээврийн хэрэгсэлд авч явахдаа аюулгүй байдлыг хангаж хүүхдийн зориулалтын суудалд тээвэрлэхийг зөвлөлөө.


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.