Ерөнхий сайд Л.Оюун-Эрдэнэ: Гүний уурхай бүрэн ашиглалтад орсноор Монгол Улс дэлхийд тавд эрэмбэлэгдэх гүний уурхайтай болно

Aдмин / Хууль

Монгол Улсын Засгийн газрын ШИНЭ СЭРГЭЛТИЙН БОДЛОГЫН нэг хэсэг АЖ ҮЙЛДВЭРИЙН СЭРГЭЛТИЙН хүрээнд Оюу толгойн гүний уурхайн үйлдвэрлэл өнөөдөр эхэллээ.
Оюу толгойн гүний уурхайн үйлдвэрлэлийн эхний шат буюу анхны тэсэлгээ хийх командыг Монгол Улсын Ерөнхий сайд Л.Оюун-Эрдэнэ, Рио Тинто группийн гүйцэтгэх захирал Якоб Стаусхольм нар өглөө. Тус ёслолд Монгол Улсын Ерөнхий сайд Л.Оюун-Эрдэнэ оролцож хэлсэн үгийг бүрэн эхээр нь хүргэж байна.
Эрхэм Монголчууд аа,

Хөрөнгө оруулагчид, зочид төлөөлөгчид, хатагтай ноёд оо,
Оюу толгой төслийн бүтээн байгуулалтын үйлсэд гар бие оролцож буй уурхайчид, инженер техникийн ажилтан, албан хаагчид аа,

Монгол Улс Оюу толгойн ордыг гуравдагч хөрш орны хөрөнгө оруулалтаар эхлүүлж, эдийн засгийн эргэлтэд оруулах шийдвэр гаргасан нь манай улсын эдийн засгийн тусгаар тогтнол, бие даасан байдалд чухал алхам байсныг өнөөдөр онцлон тэмдэглэх нь зүйтэй.

Харамсалтай нь өнгөрсөн 13 жилийн хугацаанд Оюу толгой төсөл эхлэхэд анхлан тохирсон Монголын тал 53 хувь, хөрөнгө оруулагч тал 47 хувийн үр өгөөжтэй байна гэсэн эдийн засгийн тооцоолол алдагдаж, үндсэн зээлийн болон хүүгийн төлбөрийн нийт 2.3 тэрбум ам.долларын өрөнд орж, ирээдүйд 22 тэрбум ам.долларын өр үүсэж, ногдол ашиг хэзээ ч авахааргүй нөхцөл байдал бий болсноор хөрөнгө оруулагч талд Монголын ард түмэн итгэл алдарч, урам хугарч Оюу толгой төсөл зогсох хэмжээний улс төрийн эрсдэлд орсон нь бодит үнэн билээ.
Энэ нөхцөл байдлаас гарахын тулд 2019 онд “Оюу толгой ордын ашиглалтад Монгол Улсын эрх ашгийг хангуулах тухай” Монгол Улсын Их Хурлын 92-р тогтоол батлагдаж, Улсын Их Хурлын түр хороо, Засгийн газрын ажлын хэсэг байгуулагдаж, өнгөрсөн хоёр жилийн хугацаанд хэлэлцээр нэн амаргүй нөхцөлд үргэлжиллээ.



Өнөөдөр энэхүү хэлэлцээрийн эхний шатны үр дүн гарч, хөрөнгө оруулагч тал өмнө нь үүсэн 2.3 тэрбум ам.долларын өрийг 100 хувь барагдуулж, ирээдүйд тооцогдох 22 тэрбум ам.долларын өр үүсэхгүй болсноор Оюу толгой төслийн Засгийн газрын эзэмшлийн 34 хувь Монгол Улсад үнэ төлбөргүй ирж, монголчууд бид 2009 онд анх гэрээ байгуулсан өдрийн нөхцөл байдал буюу ТЭГ гараан дээрээ дахин ирж, удтал хүлээсэн Гүний уурхайн бүтээн байгуулалтын ажил ийнхүү эхэлж байна.

Хэлэлцээр өнөөдрийн түвшинд ирэхэд нэгдмэл бодлогоор тууштай дэмжиж, хамтран ажилласан Монгол Улсын Ерөнхийлөгч Ухнаагийн Хүрэлсүх, Монгол Улсын Их Хурлын дарга Гомбожавын Занданшатар болон Улсын Их Хурлын эрхэм гишүүд, Улсын Их Хурлын Түр хорооны гишүүд, олон жил цөхрөлтгүй тэмцсэн улс төрчид, иргэний нийгмийн байгууллагууд болон Монгол Улсын Засгийн газрын Ажлын хэсгийн гишүүдэд гүн талархал илэрхийлье.
Монгол Улсын Засгийн газрын саналыг хүлээн авч, буулт хийж, хамтын ажиллагааны итгэлцлийгсэргээхийг эрмэлзсэн хөрөнгө оруулагч тал болох Рио Тинто, Туркойз Хилл компанийн удирдлагуудад мөн талархаж байна.

Эрхэм хөрөнгө оруулагчид аа,

Монгол Улсын Их Хурлаас баталсан 103-р тогтоолын хүрээнд өнөөдөр эхлүүлж буй Гүний уурхайн бүтээн байгуулалтын ажлыг Монголын талд нэмэлт өр үүсгэхгүйгээр, дахин хугацаа хойшлуулахгүйгээр, техник эдийн засгийн алдаа дахин гаргахгүйгээр туйлын хариуцлагатай хандаж, харилцан тохиролцсон хугацаа буюу 2023 оны эхний улиралд багтааж бүрэн ашиглалтад оруулна гэдэгт итгэж байна.
Оюу толгойн Гүний уурхайн бүтээн байгуулалт эхэлж байгаа энэ өдөр бол хөрөнгө оруулагч талд дахин итгэл хүлээлгэж буй Монголын ард түмний чин эрмэлзэл, магадгүй сүүлчийн найдлага гэдгийг миний бие Монгол Улсын Ерөнхий сайдын хувьд нийт иргэдээ төлөөлөн та бүхэнд илэрхийлж байна.
Эрхэм монгол ахан дүүс ээ,

Гүний уурхай бүрэн ашиглалтад орсноор Монгол Улс дэлхийд тавд эрэмбэлэгдэх өндөр технологийн гүний уурхайтай болж, олон улсын зах зээлд зэсийн томоохон тоглогчдын нэгд тооцогдож, Монгол Улсын эдийн засаг болон төсөвт оруулах үр өгөөж багадаа гурав дахин нэмэгдэх боломжтой.
Оюу толгойн бүтээгдэхүүн гурав дахин нэмэгдсэнээр жилд тав орчим тэрбум ам.долларын борлуулалт хийж, Монгол Улсын нэг жилийн эдийн засгийн тэн хагасыг Оюу Толгой компани дангаар үйлдвэрлэх боломж бүрдэх юм. Энэ хэмжээгээр Монгол Улсад төлдөг татвар, ашигт малтмалын нөөц ашиглалтын төлбөр гурав дахин өсөх урьдчилсан тооцоолол гарч байна.
Хэлэлцээрийн хүрээнд Оюу толгой төслийн бүтээн байгуулалтыг Монгол Улсын нэгдсэн сүлжээнээс эрчим хүчээр хангах шийдвэр гарснаар Тавантолгой Дулааны цахилгаан станц баригдах боломж бүрдэж, өнөөдөр жил бүр гадаадаас худалдан авч буй 120 гаруй сая ам.доллар Монгол Улсад үлдэх болно.
Оюу толгой төслийн гүний уурхайн бүтээн байгуулалт эхэлснээр Монгол Улс хөрөнгө оруулагчидтай ойлголцож, зөвшилцөж, тогтвортой хамтран ажиллаж чаддаг, харилцан ашигтай түншилдэг гэдгээ дэлхий дахинд нотлон харуулах баталгаа болно гэдэгт итгэлтэй байна.
Монгол Улсын Засгийн газраас дэвшүүлсэн “Шинэ сэргэлтийн бодлого”-ын хүрээнд цаашид хөрөнгө оруулагчид, аж ахуйн нэгжүүдтэй харилцан ашигтай түншлэн ажиллахад монголчууд бид бэлэн байгаагаа хөрөнгө оруулагчдад илэрхийлье.
Оюу толгой ордоос Монгол Улсын эрх ашгийг нэмэгдүүлэх хэлэлцээр цаашид байгаль орчны нөхөн сэргээлтийг эрчимжүүлэх, өмнийн говийг усжуулах, зэс боловсруулах үйлдвэр байгуулах зэрэг олон чиглэлээр баяжин амжилттай үргэлжилнэ гэдэгт итгэж байна.
Гүний уурхай харилцан тохиролцсон хугацаандаа ашиглалтад орж, газрын доорх их бүтээн байгуулалттай биечлэн танилцахаар эргэн уулзахын ерөөл дэвшүүлье.
Та бүхэнд ажлын амжилт хүсье.


Сэтгэгдэл

baag [117.111.13.170] 2022-01-26 07:52:09

tgeed ch hugjihgui yumda

Зочин [139.5.216.111] 2022-01-25 13:58:58

Пунцаг гээд авлигачин найзтай тэрийгээ УБТЗ-ын ДАБ-ын газрын даргаар тавиулснаас нь хойш энэ данх толгойг бас л нэг луйварчин новш юм байна гэж мэдэх болсон. Нөгөөх нь одоо ч авлига хээль хахуулиа авч л байгаа.

Зочин [202.55.188.36] 2022-01-25 13:26:00

Бүр баларсийм байна. Гүний уурхай дэлхийд 5д эрэмбэлэгдлээ гээд хэнд хамаатай юм. Монголчуудад ямар үр өгөөжтэй юм. Гүний уурхайг барихаас чинь өмнө бүх юмыг нь бараг зөөчихсөн. Ёстой хог юм аа. Монголд ямар ч ашиг байхгүйгээр үргэлжлэх болсон нь тодорхой байна. Бас энэ хэдийг авилгадчихжээ. Монгол улс ядуурлаас нэгэнт гарахгүйгээс хойш , болдогсон бол хаагаал хойч үедээ үлдээчихмээр

Зочин [139.5.216.111] 2022-01-25 14:03:22

Яг зөв хойч үедээ үлдээгээд тэд маань шударга ухаалаг шийд гаргах байх. Энэ данх бол чадахгүй ээ худлаа попрохоос өөр олигтой ажил хийж байгаа юм алга угаартаж түгжирч нээрүүтэж дууслаа ард түмэн маань

Зочин [122.201.22.92] 2022-01-25 11:40:17

Нэг л их дэлхийд тэдэд эрэмблэгдэнэ гэж ирээл ярихийн. Хэдэд эрэмбэлэгдэх хэнд хамаатайн монголд монгол хүнд л ашиг тусаа өгөх ёстой. Үр ашигаа Өгөхгүй бол гүн бна уу ил бна уу хэнд ч хамаагүй. Эрэмбэ бүүр ч цаашаа шүү.

Зочин [202.126.89.48] 2022-01-25 09:38:14

Энэ донгосоод байгаа хулгайчуудыг бүгдий нь бичсэн хаягаар нь хөөж олж аваад хариуцлага хүлээлгээч яерөнхий сайдаа

Зочин [103.212.119.186] 2022-01-25 22:07:05

Чамайг нохой хуцсаны чинээ тоохгүй дээ долоож байгаад авилагч болох санаатай кккк

Иргэн [202.9.41.30] 2022-01-25 08:40:58

Энэ үйл явдал 21 дүгээр зууны ттүүхэнд тэмдэглэх томоохон сайн үйлс байгаасай , улсын эдийн засаг 3 дахин томорход бидний амьдрал тэр хэмжээгээр дээшлэх бизээ. Харин тэр сайн цагийг үзэж чадахгүй хорвоогоос явчих хэдэн ахмад настнуудаа эртхэн харж үзэхийг хичээнгүйлэн хүсье... тэтгэвэрийн зөрүүгээ ойртуулж, улмаар нэмэгдүүлэ үү. Ерөнхий сайд аа!

Зочин [103.212.118.202] 2022-01-28 09:52:09

Зөв шүү

Manaachid [142.197.139.24] 2022-01-25 07:31:40

Ene khentiin huduunuus irsen manaach ch biluu haryyl ch biluu ene mal uheeguimyy

Зочин [150.129.140.167] 2022-01-25 08:10:42

Ямар утгагүй юм бичдэг мал вэ чи өөрөө юуч хийж чадахгүй тэнэг мал дуугүй бай

Зочин [66.181.161.27] 2022-01-25 07:31:01

2009 оны болон 2016 оны авлигачид С . Баяр , С . Баярцогт , Д . Зоригт , Л . Гансүх , Ч . Сайханбэлэг , Да . Ганболд , Б . Бямбасайхан нарынхаа авлигын хэмжээг нийтэд зарлаж , улсад нөхөн төлүүлснээ ард иргэддээ мэдээлээрэй , ерөнхий сайд аа ...

Зочин [192.82.67.244] 2022-01-25 09:41:37

Муу өлөн царайлсан орк тролл чи эсрэгээрээ энэ уурхайг эхлүүлсэн С.Баяр нарт бүх насаараа талархаж явах учиртай!

Зочин [202.9.47.59] 2022-01-25 09:06:45

ЗӨВ.

Зочин [202.21.109.33] 2022-01-25 07:23:34

Одоо улсад хоёргүй сэтгэлээр ажиллаж нийгмийн даатгалаа ОюунЭрдэнэ шиг залуу насандаа төлж байгаад хөгширч ажлын чадваргүй болж хэзээ ч бодож байгаагүй өвчин зовлонд баригдсан хөгшчүүлийнхээ тэтгэвэрийг нэмэх хэрэгтэй байна.

Зочин [202.9.47.59] 2022-01-25 09:07:27

Үнэн !

Иргэн [64.119.20.41] 2022-01-25 07:02:03

Солиороод байлгү Тэтгэвэрээ нэмж ядууралаас гаргачихаад зөв хуц !!!!!!!!!@

Зочин [66.181.186.98] 2022-01-26 04:49:04

ai yu genee


18 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
18 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.