Европын Эмийн агентлаг “Омикрон”-ы вакцинуудад зөвшөөрөл олгожээ

Aдмин / Гадаад мэдээ

БРЮССЕЛЬ. /DW/. Европын Эмийн агентлаг /EMA/ “BioNTech-Pfizer”, “Moderna” компанийн “COVID-19”-ийн “омикрон” хувилбарын эсрэг үйлчлэх зориулалтаар гарган авсан вакцинуудад зөвшөөрөл олгосон талаараа пүрэв гарагт мэдээлжээ.
Эдгээр вакциныг анх “омикрон”-ы “BA.1” дэд хувилбараас гадна коронавирусний анхны омгийн эсрэг үр дүнтэй байх зорилгоор гарган авсан юм. Одоо Европын Комисс вакцинуудад эцсийн зөвшөөрлийг өгөх ёстой бөгөөд холбогдох шийдвэрийг шуурхай гаргах төлөвтэй байна.
Европын Эмийн агентлагийн мэдээлснээр, шинэ вакцинуудыг коронавирусний вакцины бүрэн тунд хамрагдсан хүмүүс нэмэлт тунгийн журмаар тариулах бөгөөд өмнөх тунд хамгийн багадаа гурван сарын өмнө хамрагдсан, 12 болон түүнээс дээш насны хүмүүс хийлгэх боломжтой байна. Мөн эдгээр вакцины үр нөлөөний талаарх судалгаагаар “дархлааны хүчтэй хариу урвал үзүүлж байгааг тогтоосон” бөгөөд “ялангуяа “BA.1” дэд хувилбарын эсрэг дархлааны хариу урвалыг өдөөхөд анхны вакцинуудаас илүү үр дүнтэй болох нь харагдсан" болохыг Эмийн агентлаг уламжилжээ.
Э. Хулан
Эх сурвалж": "Монцамэ" агентлаг


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.