Казахстаны Астана хотод чөлөөт бөх, сонгомол барилдааны Азийн аварга шалгаруулах тэмцээн үргэлжилж болж байна.

Өчигдөр эмэгтэй 53, 57, 62, 65, 72 кг-ын жингийн аваргууд тодорлоо.

Эмэгтэйчүүдийн 62 кг-ын жинд Монгол Улсын гавьяат тамирчин Пүрэвдоржийн Орхон зодоглов. Эхний өрсөлдөгч Энэтхэгийн Сонам Сонамын далаар нь цэвэр ялж, эхний ялалтаа авсан. Хагас шигшээд Хятадын Xiaojuan LUO-тэй барилдаж, 7:3 оноогоор мөн ялав.

Алтан медалийн төлөө Киргизийн Айсулуу Тыныбековатай барилдаж, 5:9 ялагдлаа. Ийнхүү мөнгөн медаль хүртсэн юм.

Тэмцээн маргааш өндөрлөнө.