Хүн амын тал шахам нь хөдөлмөрийн насны, 40 гаруй хувь нь залуучууд учраас Монголын эдийн засаг, зах зээл залуу ажиллах хүчний нөөцөөс ихээхэн хамаардаг. Гэтэл ажил олгогчид элдэв арга саам хийж туршилт, тооцоо нэрээр ажиллагсдын цалинг хоцроох, илүү цагийн мөнгийг тооцохгүй байх, цалингүй ажлуулах, хугацаанаас нь хоцроох гэх мэтээр хөдөлмөрийн тухай хууль, хөдөлмөр эрхлэгчдийн хуулиар олгогдсон эрхийг байнга зөрчиж байдаг учраас залуучууд эх орондоо ажиллаж амьдрахаас халширдаг.

Нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2023 оны 1дүгээр улирлын байдлаар нийт 49.3 мянган аж ахуйн нэгж, байгууллага (ААНБ)-ын 736.8 мянган ажиллагч хамрагдсан байна.

Нийгмийн даатгалын шимтгэл (НДШ) төлж буй ААНБ-ын тоо өмнөх оны мөн үеэс 2.4(5.1%) мянгаар өмнөх улирлаас 307(0.6%)-оор өссөн бол ажиллагчдын тоо өмнөх оны мөн үеэс 19.1(2.7%) мянгаар өсөж , харин өмнөх улирлаас 19.2(2.5%) мянгаар буурчээ.

https://www.nso.mn/mn/dissemination/59917386

Ажлын байрны орчин нөхцөл муу, цалин хангамжийн өрхийн хэрэгцээнд дэх хүрэлцээ хангалтгүй, хуримтлал үүсгэх боломжгүй байгаагаас шалтгаалсан харийн орныг зорих залуусын дүрвэлт эх орноо эзгүйдүүлэхэд хүргэж байна. Ийм тохиолдолд төрийн зөв бодлого үгүйлэгдэж байгаа ч авлигал бууруулах дорвитой алхам хийгдэж чадахгүй өдий хүрчээ.

Авлига буурахгүй байгаа учраас ажил олгогчид татвараас зайлсхийх, бизнесийн ашиг орлогоо нуун далдлах, хөдөлмөрийн мөлжлөг, хууль бус үйл ажиллагаа явуулах эрмэлзэлтэй байсаар байна уу. Ажил олгогчид, авлигалчид, ажиллах хүчний зөрчилтэй байдал, хууль эрх зүйд нийцээгүй энэ байдал нь ужгирсаар эцэстээ юунд хүргэхийг таашгүй.

Д.Энхбат