“Цалин,орлогын нэмнэ татвар хураамжийг хөнгөлнө, бууруулна…Ажлын байр нэмэгдүүлнэ, орон сууцжуулна,үйлдвэржүүлнэ, банкны хүүг бууруулна, эдийн засгийг өсгөнө, энд тэндгүй авто зам барина, Улаанбаатар хотыг утаа түгжрэлгүй болгоно…Хулгай луйвартай хатуу тэмцэнэ…Төрийн албыг цэвэрлэнэ, хууль шүүхийг шинэчилж, нийгмийг сайжруулна…” гэх амлалтууд нь бараг биелсэнгүй.

Шүлс цалин тэтгэврийн нэмэгдлээр иргэд амь сэтгэлээ зогоож, хуримтлагдах ёстой хүүхдийн мөнгөөрөө өдрийн хоолоо аргацааж буй 80 хувийн ядууралтай Монгол улс.

1. Хөдөлмөр эрхлэлтийн түвшин 2016 оноос хойш жил ирэх тусам буурч, дундаж давхарга бизнесээ үргэлжлүүлэх боломжгүй болж өмнөх зээлээ ч төлж чадалгүй боломж олдвол гадагшаа цагаачлахыг зорьж байна.2023 оны байдлаар өрхийн бизнесийн зээлийн жилийн хүү 15 хувьтай байна
2. Монгол Улсын өрхийн нийгэм эдийн засгийн судалгаанаас харахад сар бүрийн зарлага нь орлогоосоо давсан.Орлоготой бус өртэй иргэдийн тоо нэмэгдсээр байна.
3. 2016 онд 26 хувьтай байсан ядуурлын хэмжээн 2022-2023 онд 30 хувьд хүрч хүн амын 50 гаруй хувь ядуурлын ирмэгт тулжээ
4. Хүчин төгөлдөр мөрдөгдөж буй “Хувь хүний орлогын албан татварын тухай” хуульд зааснаар бүх төрлийн орлогын албан татварыг мөрийн хөтөлбөрт дурдсан байдлаар бууруулсан заалт байхгүй.
5. Зах зээлийн хаалттай, шударга бус тогтолцоо үйлчилж бүх давуу боломжийг эрх баригчдын томоохон төлөөлөл улс төрчдийн хамаарал бүхий групп компаниуд эзэмшсэн хэвээр байна
6. Хөдөөгөөс хот руу шилжин суурьшигчдын дийлэнх нь ажил орлогогүй байгаагийн шалтгаан нь хотод ажиллаж хөдөлмөрлөх хүрэлцээ, хангамж, орчин нөхцөл, цалин орлогын тэгш шударга боломж бүрдээгүй

Д.ЭНХБАТ