Дорнод аймгийн Баянтүмэн сумын Хотонт багийн нутаг аймгийн төвөөс баруун зүгт 45 км-т, сумын төвөөс баруун зүгт 30 км-т орших Хар-Эрэг хэмээх газарт тус сумын харьяат малчин А нь аравдугаар сарын 30-ны өдрийн 17:00 цагт явганаар малд яваад сураггүй болжээ.

Энэ тухай дуудлагыг Онцгой байдлын газар 19:20 цагт хүлээн авсан байна. Тус багийн Засаг дарга Г.Наранбатын ахлан 16 хүн, есөн автомашинтай 57 настай малчин эмэгтэйг эрэн хайх ажилагааг зохион байгуулж 20:30 цагт Хотонт багийн Оросын шороо гэдэг газраас гэрээс нь баруун зүгт 7 км газраас эсэн мэнд олжээ.

Иймд хүч нэмэгдүүлэн эрэлд гарахаар явж байсан тус аймгийн Онцгой байдлын газрын бүлгийг замаас нь буцаасан байна.