2013 онд Жайка олон улсын судалгааны байгууллагаар судлуулах техник эдийн засгийн үндэслэлээр 2024 онд эрх баригчид нийслэл хотод метро байгуулахаар 330 тэрбум төгрөг эхний ээлжид төсөвлөж нээлттэй худалдан авах ажиллагааг зарласан билээ. Тэгвэл метроны асуудлаар УИХ-ын дарга асан З.Энхболд, хотын дарга Х.Нямбаатар нар нэлээд зөрүүтэй байр суурьтай байна. Хэдий үзэл баримтлал нь эсрэг хоёр намын төлөөллүүд ч гэлээ аль нь чухам Монгол Улсын эрх ашгийг хохироохгүйн төлөө вэ гэдэг тун эргэлзээтэй. З.Энхболдын хувьд метро барих нь МАН-ын ээлжит хулгай, зувчуулалтын арга.

Метроны төсөл Монголд хэрэгжихэд тун нарийн судалгаа шинжилгээ, төлөвлөгөө норматив шаардах ажил гэж үзэж байгаа бол хотын дарга Х.Нямбаатарын хувьд З.Энхболдын байр суурийг эрс үгүйсгэж түүнийг “...бэлтрэг бэлтрэгээрээ дуусдаг” гэх мэтчилэн доромж үг хэрэглэн нэр төрийг нь гутаах оролдлого хийсээр.

Эдгээр улс төрчид улсын төсвийн багагүй мөнгөөр баригдана гэх метроны төслийн талаар албан ёсны байр сууриндаа нэгтгээд телевизийн мэтгэлцээн хийвэл аль талынх нь үндэслэл илүү үнэнд ойр вэ гэдэг нь тодорхой болох.

Хэрвээ биелэгдэх аргагүй мөрөөдлийн араас улсын төсвийг үрэгдүүлэх эсвэл түгжрэл 40% буурна гэх тооцоололтой хөгжлийн төслийг албаар гацаах хоёрын аль нэг нь бодитой болж таарвал хэн хэнд нь хуулийн хариуцлага хүлээх шаардлага үүснэ.

Д.ЭНХБАТ