Баян-Өлгий аймгийн Булган сумын “Улаагчны хавцал” гэдэг газар цасны нуранги үүссэний улмаас Дэлүүн-Булган чиглэлийн орон нутгийн зам хаагдаж зорчих хэсгийн хөдөлгөөн хязгаарлагдсан байна.

Аймгийн Онцгой байдлын газрын Гал түймэр унтраах, аврах ангийн алба хаагчид хоёр өдрийн турш цас хусаж, 14 км зам гарган зорчих хөдөлгөөнийг хэвийн болгожээ.

Үүнээс өмнө тус аймгийн Дэлүүн суманд уулын цасны нурангид дарагдан нэг хүн амь насаа алдсан тохиолдол гарсан. Тиймээс цасны нурангиас болгоомжлохыг анхааруулж байна.

Эх сурвалж: ОБЕГ-ын Урьдчилан сэргийлэх газар