Энэ сарын 20-23-ны хооронд Хөвсгөл аймгийн Төмөрбулаг, Галт, Жаргалант, Шинэ-Идэр, Цэцэрлэг, Цагаан-Уул, Бүрэнтогтох сумын өвөлжилт, хаваржилтын нөхцөл байдалтай БОАЖ-ын сайд Б.Бат-Эрдэнэ газар дээр нь танилцжээ. Засгийн газрын 63 дугаар тогтоолоор 100 хувийн хөнгөлөлттэй 150 тонн тэжээл, аймгийн төсөвт зохицуулалт хийх замаар 555 сая төгрөгийн мөнгөн дэмжлэг үзүүлсэн байна.

Малчдын хаваржааны цас гаргах, малын сэг зэм устгах, хаагдсан зам давааг нээхэд Хөдөлмөрийн эрхлэлтийг дэмжих сангийн олон нийтийг хамарсан ажлын төсвөөс дөрвөн суманд 50 сая төгрөг гаргах шийдвэрийг Аймгийн онцгой комисс, шуурхай бүлгээс хамтран гаргажээ.

Нийт 19 суманд 225 тонн улаан буудай, 110 тонн гурил, 55 тонн цагаан буудай, хүнсний багц 50, эрүүл мэндийн багц 50 ширхэг, таван сумын Засаг даргын Тамгын газарт автомашин зэргийг УОК-оос хүлээлгэн өгөв гэж БОАЖЯ мэдээлэв.