Баянхонгор аймгийн Баянбулаг сумын Д.Энхцэцэг даргатай Ахмадын хорооноос сумын дунд сургуулийн сурагчдад сураар мал аж ахуйн тоног хэрэглэл хэрхэн хийх талаар сургалт зохион байгуулжээ.

Сургагч багшаар Хангал багийн Ахмадын зөвлөлийн дарга, Улсын сайн малчин Б.Батдэлгэр, малчин Ж.Санжсэмбэн, Л.Монтоон нар ажиллажээ.

Энэ бол ёс уламжлал, мал аж ахуйн арга ухаанаа хойч үедээ өвлөн үлдээх талаасаа маш ач холбогдолтой сургалт юм гэж Монголын ахмадын холбооноос мэдээллээ.