Орон нутагт малын сэг зэмийг устгах ажил эхэлсэн ч баруун аймгуудын нутгаар ариутгалын бодисгүй, үнэр их байгаа тухайд УОК-оос мэдээлэл өгөв. Комиссын нарийн бичгийн дарга Т.Баярхүү "Зудад хорогдсон малын сэг зэмийг устгах ажлыг Мал Эмнэлгийн Ерөнхий Газраас гадна ХАА, ХНХ, БОАЖ-ын сайд, аймаг, сумдын Засаг дарга нар хариуцаж байгаа.

Аймаг, орон нутагт мал, амьтны сэг зэмийг устгах, булшлах ажлыг удирдлага, зохион байгуулалтаар хангах үүргийг аймаг, сумдын Засаг дарга нар хүлээдэг.

Малын сэг зэмийг устгахад зарцуулагдах санхүүжилтийг аймаг, сумын Засаг даргын нөөц хөрөнгө буюу болзошгүй гамшиг ослын үед зарцуулдаг төсвөөс гаргаж байгаа.

Нэмэлтээр Хөдөлмөр Эрхлэлтийг Дэмжих Сангаас орон нутаг хүн хүч дайчлан ажиллахад зарцуулагдах санхүүжилтийг гаргаж байгаа юм. Шаардлагатай санхүүжилтийг Засгийн газраас шийдэж өгнө" гэв.

Зудад 6.6 сая мал хорогдсоноос өнөөдрийн байдлаар 513,948 малын сэг зэмийг устгажээ.