“Эрдэнэс Тавантолгой” ХК-иас нийгмийн хариуцлагын хүрээнд энэ онд Өмнөговь аймгийн Цогтцэций суманд бэлчээрийн мал усалгааны зориулалттай инженерийн хийцтэй гүн өрмийн 10 ширхэг худаг гаргана. Орон нутгаас өгсөн саналд үндэслэн говийн хүн, малын ундны усны гол эх үүсвэр болсон худагтай болох санхүүжилтийг шийдэж, өрөмдөж, тохижуулах ажлыг эхлүүлээд байна.

Бэлчээрийн усан хангамжийг сайжруулах зорилгоор гаргаж өгч буй эдгээр худгуудыг байр, мал услах онгоц, цахилгаан үүсгүүр, насос зэргээр иж бүрэн тоноглох юм. Уст цэгийн хайгуул судалгаа, өрөмдлөгийг усны мэргэжлийн байгууллагаар гүйцэтгүүлж байгааг тус компани мэдээллээ.