УИХ-ын гишүүн Ц.Анандбазар Малын гаралтай түүхий эдийг үнэтэй болгох, малчдаа ажлын байртай болгох, бага үдийн хоолны хөтөлбөрт тогтмол хөөрүүлсэн сүү өгдөг байх хуулийн төслийг өргөн барилаа.Тэрээр" Бага үдийн сүү гэдэг нэртэй хуулийн төсөл бол МУ-ын 330 сум 21 аймгийн төвд байгаа ЕБС-ийн 750 мянга гаруй сургуулийн сурагчид, цэцэрлэгийн хүүхдүүдэд 250 грамм сүүг 11 цагт өгөх хуулийн төсөл байгаа. 2025 оны нэгдүгээр сарын 1-нээс олгоно.

Дэлхийн улс орнууд сургуулийн хоол үйлдвэрлэл, үйлчилгээг нийгмийн халамжийн бодлогын салшгүй нэг хэсэг болгож, хүүхдийн эрүүл мэндийг хамгаална. Тухайлбал, Америкийн Нэгдсэн Улс 1946, Япон Улс 1954, Солонгос Улс 1953 оноос тус тус “Сургуулийн хоол”-ны тухай хуулийг хэрэгжүүлж эхэлжээ.

Америкийн Нэгдсэн Улсад өдөрт 31 сая, Японд 10 сая, Солонгост 7.3 сая, Энэтхэгт 140 сая, Оросын Холбооны Улсын бүх сургуулийн хүүхэд үдийн хоол хөтөлбөрт хамрагдаж байна. Эдгээр улс орнуудын сургуулийн хоолны цэс нь өргөн сонголттой, хоолны түүхий эдийн 70 хувийг органик хүнс эзэлдэг байна.

Манай сургуулийн хүүхдүүд маань бага үдийн хоол хөтөлбөрийнхөө хоолонд цаддаггүй асуудал бий болсон. Улсын төсвөөс хоолны мөнгийг нэмэх гэхээр мөнгө нь хүрдэггүй, мөн хөдөө орон нутагт байгаа хүүхдүүд шүдний эмчилгээний дутагдалтай байгаа. Сумын төвд малтай хэрн нь сүүгээ зарж чадахгүй айл өрхүүд ч байдаг.

Ингэснээр Монгол Улсад өмчийн харилцаа харгалзахгүйгээр нийт 1453 цэцэрлэгт 191,000, нийт 848 сургуульд 750,000 хүүхэд суралцаж байна. Эдгээр хүүхдүүд экологийн цэвэр малын гаралтай сүү ууж эхэлнэ. Энэ нь нэг талаас эрүүл монгол хүүхэд, шүдний өвчлөлгүй монгол хүүхдийг бий болгох, нөгөө талаас малчин ард түмэн сүү сүүн бүтээгдэхүүнээр сургууль цэцэрлэгийг хангаж, малчдын орлого нэмэгдэх эдийн засгийн давуу талуудтай.

Энэ мэт 3 том асуудлыг шийдэх бололцоотой томоохон хуулийн төсөл. Нэг талаас эрүүл монгол хүүхэд, шүдний өвчлөлгүй монгол хүүхдийг бий болгох, нөгөө талаас малчин ард түмэн сүү сүүн бүтээгдэхүүнээр сургууль цэцэрлэгийг хангаж, малчдын орлого нэмэгдэх эдийн засгийн давуу талуудтай.

Малчин өрх бүр сүү нийлүүлэгч, сүүгээ борлуулагч болж чадна. Дэлхийн улс орнууд сургуулийн хоол үйлдвэрлэл, үйлчилгээг нийгмийн халамжийн бодлогын салшгүй нэг хэсэг болгож, хүүхдийн эрүүл мэндийг хамгаална" гэлээ.