Эдийн засаг хөгжлийн сайд Ч. Хүрэлбаатар өөрийн цахим хуудсандаа эдийн засгийн зарим хувь үзүүлэлтүүдийг тоймлон оруулж асуудал руу чиглэж ажилласны хүчинд эдийн засаг сэргэж хямралыг даван тууллаа гэх мэдэгдлийг хавчуулахын ялдамд өөрийгөө магтаад авдаг. Гэтэл эдийн засагт инфляци буурах нь аль нэг улс төрчийн хичээл зүтгэлээс бус аяндаа зах зээлийн зарчмаар өөрчлөгдөж байдаг зүйл билээ. 2022 онд 15 хувьд хүрч дээд цэгтээ тулан иргэдийн амьдрал ахуйд нэлээд хямрал сорилтыг авч ирсэн инфляц 2024 5-р сар гэхэд тодорхой хувиар буурсан хэдий ч иргэдийн худалдан авах чадвар сул, долларын ханшийн өсөлтийг гүйцэхгүй төгрөгийн уналт зэрэг нь бизнес эрхлэгч нарт хүнд туссан хэвээр байна.

Дэлхийн банкны эдийн засгийн судалгаа тайлан мэдээнд Монгол улс уул уурхайн түүхий эдийг экспорт тодорхой хувиар нэмэгдсэн нь зарим эерэг өөрчлөлтүүдийг авчирсан ч түүхий эд, импортын хэт хамаарал, өрийн дарамт зэргээсээ шалтгаалан төдийлөн ахицтай байж чадахгүйг дурьджээ. Нарийвчилсан судалгаагаар, тоймлосон тоо баримтаар ч Монгол улс бүтээмжээ нэмэгдүүлэх өр зээлээ багасгах, авлигалаас ангижрах шаардлага байгааг сануулсаар байна.