Соёлын яамны сайд Чинбатын Номин УИХ-ын сонгуульд нэр дэвших гэж байгаа бололтой уулзалтууд зохион байгуулж, тайлан нэртэй үнэтэй хэвлэгддэг өнгөт сэтгүүл тараах, тодорхой тойрог сонгож аваад ажиллаж байна. Гэтэл намуудын нэр дэвшүүлэх үйл явц эхлээгүй бөгөөд сонгуулийн сурталчилгаа 6 сарын 10-даар эхлэх боловч эрх баригчид тайлан нэртэй сурталчилгаа зохион байгуулсаар байна. Соёлын Сайд Чинбатын Номин Сонгуулийн тухай хууль зөрчиж, хууль бус тайлан сэтгүүл хэвлэсэн, тараасан, СХД-т тоглолтын билет тараасан гэх ноцтой зөрчлүүдийг шалгуулах, сонгуульд нэр дэвшүүлэхгүй байх зэрэг гомдлоор зарим намын төлөөлөл болон хуулийн байгууллага, Сонгуулийн Eрөнхий хороонд хандахаар болжээ.

Ч.Номин сайдын аав нь машинаар Сэлэнгэ аймагт морьтой хүн хөөж буй бичлэг нь олон нийтийн сүлжээнд тархаж цагдаагийн байгууллагаас хэрэг үүсгэн шалгасан ч түүнийг төрийн сайдын аав, мөнгөтэй баян болохоор хэргийг хөнгөхөн шийдвэрлэж түүний бичлэгийг олон нийтэд дэлгэсэн залууд хэрэг нээж шалгах зэргээр шударга бус байдал илэрч байна гэж олон нийт дургүйцэж байсан билээ.

Ч.Номин сайд тайлангийн уулзалт нэртэй сонгуулийн сурталчилгааны уулзалтад жирийн иргэдээс гадна насанд хүрээгүй хүүхдүүдийг оролцуулж хүүхдүүдэд өөрийн зурагтай сэтгүүл тараасан сурвалжилгыг цахиур.мн мэдээлж Ч.Номин сайдаас өөрөөс нь тодруулахад Ч.Номин: Би ажлынхаа тайланг салбарынхандаа тараасан...

Сэтгүүлч: Та сэтгүүлээ хүүхдүүдэд өгсөн, СХД-ийн иргэдэд өгсөн. Хүүхдийг сурталчилгаанд ашиглаж болохгүй? Ч.Номин: Хэн, хаана дэвших нь тодорхой болоогүй байна. Манай шинэ театрт тодорхой тоогоор байсан нь үнэн. Гэсэн бөгөөд тэр ч бүү хэл хэвлэлийн төлөөлөгч нь түүнээс яриа авсан сэтгүүлчийг сурвалжилгаа устгахыг ятгасан тухай сэтгүүлч С.Шүрэнцэцэг бичжээ. Ч.Номин сайд УИХ-ын гишүүн биш яамны сайд хэдий ч УИХ-ын сонгуульд нэр дэвших нь өөрийнх нь мэдэгдлээс тодорхой болж тайлан нэртэй уулзалтдаа насанд хүрээгүй хүүхэд оролцуулж сэтгүүл тарааснаа өөрийнхөө үгээр баталсан байна. Иймд сонгуулийн хууль зөрчсөн эл үйлдлийг зохих хууль журмаар хэрхэн шийдвэрлэхийг харах үлдлээ.