“Говийн гайхамшигт амьтдын амьдрах орчин ба усан хангамж уулзалт хэлэлцүүлэг-2024” болж тус хэлэлцүүлгээр говийн зэрлэг амьтад хавтгай, мазаалай, тахь, хулан, монгол бөхөн, хар сүүлтийн амьдрах орчны талаар эрдэмтэн судлаачид судалгаагаа танилцуулжээ.

2016 оны тооллогоор улсын хэмжээнд 22 мазаалай байсан бол 2018 онд 36 болж харин 2024 оны байдлаар мазаалайн тоо толгой 51-д хүрсэн гэж уг хэлэлцүүлгийн үеэр мэдээлсэн байна. Мазаалайн тоо толгой хэт цөөн учраас байгальд өөрийн гүйцэтгэх үүрэггүй болсон байх магадлалтай гэж үзэж байжээ.