Манай улсын нийт экспортын голлох бүтээгдэхүүнийг чулуун нүүрс, зэсийн баяжмал, боловсруулаагүй алт бүрдүүлж байна. Үүний дотроос чулуун нүүрс 55.2 хувь буюу тэн хагасыг нь бүрдүүлж байгаа бол 20.8 хувь нь зэсийн баяжмал, 5.8 хувь нь боловсруулаагүй буюу хагас боловсруулсан алт эзэлж байгааг гол нэрийн барааны экспортын бүтцээс харж болохоор байгаа юм.

Гаалийн байгууллагын статистик мэдээллээс харвал, 2024 оны эхний 11 сард экспортын барааны нийт дүнд эрдэс бүтээгдэхүүн 12726.0 сая ам.доллар буюу 87.2 хувь; сувд, үнэт ба хагас үнэт чулуу, үнэт металл, гоёлын зүйлс, зоос 857.8 сая ам.доллар буюу 5.9 хувь нэхмэлийн материал болон нэхмэл эдлэл 388.2 сая ам. доллар буюу 2.7 хувийг тус тус эзэлж эдгээр нь нийт экспортын дүнгийн 95.7 хувийг эзэлж байна.