АТГ-ын Мөрдөх байцаах хэлтсийн дарга, УЕП-ын дэргэдэх Мөрдөх байцаах албаны мөрдөн байцаагч, УЕП-ын газрын Ял эдлүүлэх ажиллагаанд хяналт тавих хэлтсийн дарга зэрэг хууль хяналтын байгууллагад томоохон албан тушаал хашиж байсан Сүхбаатар дүүргийн ерөнхий прокурор Э.Амарбат нарт холбогдох хэргийн шүүх хурал өнөөдөр өглөө 09.00 цагт товлогдсон.

Гэвч тус хэргийг прокурорын хүсэлтийн дагуу ирэх гуравдугаар сарын 12-ны өдрийн 09.00 цаг хүртэл хойшлуулсан байна.

Авлигатай тэмцэх газраас Сүхбаатар дүүргийн ерөнхий прокурор асан Э.Амарбат, Шүүх шинжилгээний үндэсний хүрээлэнгийн дэд захирал асан Ц.Гантулга, өмгөөлөгч П.Одонтунгалаг, "Баян хотгор" ХХК-ийн Б.Мандахбаяр нарыг авлигын хэргээр АТГ-т шалгасан.

Улмаар дээрх нэр бүхий долоон хүнд холбогдох хэрэгт прокуророос яллах дүгнэлт үйлдсэн байдаг. Тэдэнд Эрүүгийн хуулийн 22.5-1, 17.3-2.2, 21.2-1, 22.1-2, 22.4-2, 10.4-1, 21.14-2 дахь хэсэгт зааснаар яллах дүгнэлт үйлджээ.

Б.ЖАРГАЛ