Халдварт өвчин судлалын үндэсний төвөөс улаанбурхан өвчний тархалтын нөхцөл байдлын талаар мэдээллээ. Долдугаар сарын 16-ны өдрийн байдлаар батлагдсан тохиолдлын тоо 12,442 хүрчээ. Үүнээс 11,846 нь эдгэрсэн бол 301 нь эмнэлэгт, 287 нь гэрээр эмчлүүлж байна. Мөн энэ өдрийг хүртэл найман хүн нас баржээ. Нийт хавьтлын тоо 90,824 хүрээд байгаа аж.

Эмнэлэгт хэвтэн эмчлүүлж буй 301 хүний 51 нь хөнгөн, 229 нь дунд, 19 нь хүнд, хоёр нь нэн хүнд байдалтай байна.

Өвчлөлийг насны бүлгээр авч үзвэл, 10-14 насныхан дунд тархалт хамгийн өндөр байна. Тодруулбал, энэ насны 4830 хүүхэд өвджээ. Үүний дараа 0-4 насныхан эрсдэлт бүлэгт тооцогдож байна.