АНУ-ын Ерөнхийлөгч Дональд Трамп “Лукойл” болон “Роснефть”-ийн эсрэг хориг арга хэмжээ авах шийдвэр гаргахаасаа өмнө удаан хугацаанд хүлээсэн гэж мэдэгджээ.

Тэрбээр НАТО-гийн Ерөнхий нарийн бичгийн дарга Марк Рюттэтэй Цагаан ордонд уулзалт хийсний дараа сэтгүүлчдэд “Би зүгээр л цаг нь болсон гэж үзсэн. Удаан хүлээсэн” хэмээн хэлсэн байна. Энэ нь ОХУ-ын эсрэг хориг арга хэмжээг чангатгасн шалтгааны талаар тавьсан асуултад өгсөн хариулт байжээ.

Америкийн тэргүүн Украинд нөхцөл байдлыг тогтворжуулахыг хүлээж байгаагаа, мөн Газын зурваст зөрчил дуусгавар болохоос өмнө хэлэлцээр байгуулагдана гэж найдаж буйгаа онцолжээ.

Трамп мөн өөрийнх нь үед найман мөргөлдөөнийг зогсоож чадсан гэж дахин мэдэгдсэн байна. Тэр “Би эдгээр бүх дайныг зохицуулж чадсан. Харин одоо нэг нь л үлдээд байна. Зогсоож чадвал нийт ес болно” гэж хэлээд, Украинд өрнөж буй мөргөлдөөнийг дурдсан байна. Мөн тэр “Бид үүнийг ч гэсэн шийдвэрлэж чадна гэж би бодож байна” хэмээн нэмж хэлжээ.

Эx сурвалж: TASS
Б.ЖАРГАЛ