Өнгөрсөн 2025 оны Үндэсний их баяр наадмын бөхийн барилдаанд үзүүрлэж, улсын гарди цол хүртсэн Сүхбаатар аймгийн Онгон сумын харьяат Нямдоржийн Өсөхбаярын допингийн шинжилгээний хориотой бодис илэрсэн байдаг. Улмаар түүний цолыг хураах асуудал хөндөгдөж эхэлсэн билээ. Тэгвэл Үндэсний их баяр наадмын зохион байгуулах салбар хорооноос Н.Өсөхбаярын улсын гарди цолыг хураах саналаа Ерөнхийлөгч У.Хүрэлсүхэд хүргүүлээд байсан.

Тэгвэл энэ сарын 22-ны өдөр Ерөнхийлөгч У.Хүрэлсүх зарлиг гаргаснаар Н.Өсөхбаярын улсын гарди цолыг хураахаар болсон байна.