Г.ЗАНДАНШАТАР: Туурайгаараа дэлхийг тамгалсан монгол адуу, нүүдэлчин ахуй маань Хүн төрөлхтний баяр боллоо

Хүлгийн нуруунд мордох бүрдээ бид тал нутаг, өв соёл, өвөг дээдсийнхээ түүхтэй хэрхэн хүйн холбоотойгоо мэдэрдэг билээ.

Энэ жилийн наадам бүр ч онцгой болж байна. Монгол түмэн наадмын өдрүүдийн турш анхны “Дэлхийн адууны өдөр”-өө өргөн дэлгэр тэмдэглэн өнгөрүүлж байна.

Монгол Улсын Ерөнхийлөгч У.Хүрэлсүхийн санаачилгаар НҮБ жил бүрийн 7 сарын 11-нийг “Дэлхийн адууны өдөр” болгон баталсан нь туурайгаараа дэлхийг тамгалсан монгол адуу, нүүдэлчин ахуйг маань дэлхийд дансалсан түүхэн үйл явдал боллоо.

Эмээл дээрээс ертөнцийг тольддог, адууны соёл, өв уламжлалаа тээж яваа адуучид, малчид, уяачид болон нийт Монгол түмэндээ Дэлхийн адууны өдрийн халуун мэндийг өргөн дэвшүүлье!

Монгол хүлгийн босоо цагаан хийморь дэлхийд мөнхөд дуурсаг