Улсын бүртгэлийн ерөнхий газар (УБЕГ)-ын дарга Д.Дэлгэрсайхан ажлаас чөлөөлөгдөх хүсэлтээ гаргажээ. Түүний хүсэлтийг маргааш болох Засгийн газрын ээлжит хуралдаанаар авч хэлэлцэх мэдээлэл байна.

УБЕГ-ын дарга Д.Дэлгэрсайхан ажлынхаа өрөөнд архидан согтуурсан үедээ хүн зодож танхайрсан гэх мэдээлэл олон нийтийн сүлжээнд цацагдсан.

Энэ талаар цагдаагийн байгууллагаас тодруулахад, нийслэлийн Сүхбаатар дүүргийн 11 дүгээр хороо УБЕГ-ын орчимд зодуулсан байдалтай хүн байна гэсэн дуудлага мэдээлэл ГССҮТ-д 2024 оны арваннэгдүгээр сарын 9-ний өдрийн 23:45 цагт иржээ.

Шалгалтын явцад иргэн Т, Д нар нь архидан согтуурсан үедээ маргалдаж, улмаар Д нь Т-гийн нүүрэн тус газарт цохиж гэмтэл учруулсан нь тогтоогдсон байна.