Нийслэлд нийтийн тээврээр үйлчлүүлэх үнийн тарифт өчигдрөөс өөрчлөлт орж, иргэд 1000 төгрөг төлж зорчиж эхэлсэн ч энэхүү зохицуулалтыг түр хугацаагаар хойшлуулсан байна.

Албаны эх сурвалжийн мэдээлснээр, программ хөгжүүлэлтийн ажил нь дуусаагүй байгаа ажээ. Зорчигчид 1000 төгрөг төлөөд, өдөрт хугацаа хамаарахгүй дөрвөн удаа зорчих боломжтой. Хэрэв дөрвөөс дээш удаа зорчихоор бол мөн 1000 төгрөг нэмж төлнө.

Дашрамд дурдахад, Боловсролын тухай хуульд өөрчлөлт оруулснаар, оюутнуудын хөнгөлөлттэй зорчдог зохицуулалт хүчингүй болсон билээ.

Б.ЖАРГАЛ