Нийслэлийн хэмжээнд хугацаат цэргийн албаны 2025 оны нэгдүгээр ээлжийн татлагыг маргааш буюу тавдугаар сарын 2-4-ний өдрүүдэд зохион байгуулна. Энэ удаа хилийн болон дотоодын цэргийн ангид хугацаат цэргийг татах аж. Мөн Засгийн газрын шинэ тогтоолын дагуу 1, 2, 3 дугаар дамжааны оюутнуудыг оюутан цэрэгт хамруулж, төгсөх ангийн оюутныг чөлөөлнө.

Цэрэг татлагын байранд очихдоо иргэний үнэмлэх, цэргийн үүрэгтний үнэмлэх, мэргэжлийн үнэмлэх, диплом зэрэг бичиг баримтыг биедээ авч очих шаардлагатай. Хугацаат цэргийн албанд татагдагч нь найман төрлийн шинжилгээнд хамрагдаж, эрүүл мэндийн үзлэгт орох аж.

Нийслэлийн цэрэг татлагын байрууд:

• Баянгол дүүргийн цэрэг татлагын байр 96-р сургууль,
• Баянзүрх дүүргийн цэрэг татлагын байр 14-р сургууль,
• Сүхбаатар дүүргийн цэрэг татлагын байр 3-р сургууль,
• Сонгинохайрхан дүүргийн цэрэг татлагын байр 83-р сургууль,
• Чингэлтэй дүүргийн цэрэг татлагын байр 5-р сургууль,
• Хан-Уул дүүргийн цэрэг татлагын байр 34-р сургууль дээр тус тус зохион байгуулна.

Н.НЭРГҮЙ