Дэлхий даяар улс орнууд агаарын бохирдолтой нүүр тулж байгаа хэдий ч Монгол улсын нийслэл Улаанбаатар хотод утаа гамшгийн хэмжээнд хүрсэн тухай BBC агентлаг дахин мэдээлжээ. Гуравдугаар сарын 24 буюу өчигдөр цацагдсан уг нэвтрүүлэгт Монголчуудын энэ нөхцөл байдлыг уур амьсгалын өөрчлөлттэй ямар нэг байдлаар холбоотой гэж үзсэн байна.

Монголын уур амьсгалын дундаж энэ жил өмнөх жилүүдийнхтэй харьцуулбал 2.2 хэмээр дулаарсан бөгөөд цасгүй өвөлжсөнөөс болж хавар болоход олон мал хорогдож эхэлжээ. Уламжлалт байдлаар малаа маллаж амьдардаг иргэдэд энэ нь маш хүнд тусч буй талаар “BBC” агентлагийн сурвалжлагч Стефан Хегарти дараах мэдээллийг бэлтгэсэн байна.