Ази, Номхон далайн бүсийн хөгжлийн бэрхшээлтэй иргэдийг хамт олонд түшиглэн сэргээн засах IV конгресс Монгол Улсын нийслэл Улаанбаатар хотноо Шангрилла зочид буудалд дөнгөж сая эхэллээ.

Монгол Улсад анх удаа зохион байгуулж буй бүс нутгийн хэмжээний энэхүү томоохон арга хэмжээнд 43 орны 600 гаруй төлөөлөгч оролцож байна. Тэдний 40 хувь нь хөгжлийн бэрхшээлтэй иргэд бусад нь хөгжлийн бэрхшээлтэй иргэдийн эрх ашгийг хамгаалах чиглэлээр үйл ажиллагаа явуулдаг төрийн болон төрийн бус байгууллагын төлөөлөл, олон улсын байгууллагынхан аж. Конгрессд оролцохоор ирж буй зочид төлөөлөгчдийн багагүй хэсэг нь хөгжлийн бэрхшээлтэй иргэд учраас дэд бүтцийг сайжруулахад нийслэлээс анхаарч 136 гудамж, 11900 м2 хэвтээ замын тэмдэглэгээг хийжээ. хөгжлийн бэрхшээлтэй олон зуун иргэн уулзаж, хамтдаа хөгжих ямар гарц боломж байгаа талаар ярилцаж байна.